اسلام آباد۔28مئی (اے پی پی):وزیر اعظم محمد شہباز شریف پاکستان دے ایں مطالبے کوں دہرائے جو خطے دا امن برقرار رکھݨ بھارت دی ذمہ واری اے، کشمیر دا جھیڑا تے ٻئے سارے تصفیہ طلب مسئلیں دے حل کیتے ھک بامعنی مذاکراتی عمل شروع کرݨ کیتے مقبوضہ جموں وکشمیر بارے 5اگست 2019دا اپݨا یکطرفہ اقدام واپس گھنݨا چاہیدے ۔کشمیرمیڈیاسروس موجب وزیراعظم شہبازشریف قوم توں آپݨے پہلے خطاب اچ آکھیے وادی کشمیر اچ عوام دا خون وہندا پئے تے پاکستان ایں معاملے کوں ہر عالمی فورم تے چاوݨ دے نال نال کشمیریاں دی سیاسی، سفارتی اتے اخلاقی حمایت کریندا رہسی۔
