لاہور۔28مئی (اے پی پی):وزیر اعظم محمد شہباز شریف آکھیے جو عوام مہانگ اچ پسی ہئی اے ،غریب خاندان رل ڳن ، پٹرول دی قیمت اچ ودھارا دل تے پتھر رکھ تے کیتے ، سوا کروڑ مستحق خانداناں کوں ریلیف ݙیوݨ کیتے 28 ارب روپے مختص کیتن ،نواز شریف ایٹمی دھماکیں ویلھے 5 ارب ڈالر دی پیشکش قبول کرݨ دی بجائے ملکی مفاد اتے دفاع کوں ترجیح ݙتی۔ میڈیا نال ڳالھ مہاڑ کریندے ہوئیں وزیراعظم آکھیے جو موجود حالات اچ غریب خاندان بچارے رل ڳن ،ھک ویلھے دی روٹی، علاج کیتے پیسے اتے نوکری کائنی۔ محمد شہباز شریف آکھیے جو پسے ہوئے لوکاں کیتے 28 ارب دے فنڈز توں پیکج دا آغاز کریندے پیوں جیں دے تحت غریب گھراݨے کوں 2 ہزار روپے ماہانہ ݙتے ویسن ۔وزیر اعظم آکھیے ساݙی اولین ترجیح معیشت دی بحالی اتے عوام کوں ریلیف ݙیوݨ اے جیں کیتے ہنگامی بنیاداں تے اقدامات کریندے پیوں ۔ھک سوال دے جواب اچ انہاں آکھیے جو ایٹمی دھماکیں ویلھے سابق وزیراعظم نواز شریف کوں ہر قسم دی ترغیبات ݙتیاں ڳیاں لیکن انہاں نہ تاں کہیں کوں تڑیاں ݙتیاں نہ ہی غیر ملکی سربراہان نال تلخ لہجے اچ ڳالھ کیتی تے امریکی صدر نال ٻہوں چنڳے انداز اچ آکھیا جو تساں 5 ارب ڈالر دی جیڑھی پیشکش کریندے پیو ایں تے ٻہوں شکریہ ، میکوں پاکستان دے مفادات دا تحفظ کرݨا اے۔اساں پاکستان دے دفاع تے آنچ نہ آوݨ ݙیسوں ۔
