اسلام آباد۔28مئی (اے پی پی) وزیراعظم شہبازشریف آکھیے جو 1998 اچ سابق وزیراعظم نوازشریف دٻاؤ تے ترغیبات کوں مسترد کرتے پاکستان دنیا دی ایٹمی طاقت بݨا ݙتا ۔ ہفتے کوں آپݨے ٹویٹ اچ انہاں آکھیے جو 1998 اچ اڄ دے ݙینھ سابق وزیراعظم نواز شریف دلیرانہ قیادت دا مظاہرہ کریندے ہوئیں دٻاؤ تے ترغیبات کوں مسترد کرݙتا اتے پاکستان کوں دنیا دی ایٹمی طاقت بݨایا ۔ وزیراعظم آکھیے جو ہݨ اساں ملک کوں معاشی طاقت اچ بدالݨ کیتے پرعزم ہیسے۔ وزیراعظم آکھیے جو او انہاں سارے لوکاں دے شکر گزار ہن جنہاں ملکی دفاع کوں ناقابل تسخیر بݨاوݨ اچ ساݙی مدد کیتی،انہاں آکھیے قوم کوں یوم تکبیر مبارک ہووے۔
