اے ایف آئی سی اچ ردھم فار لائف 2022 کانفرنس شروع تھی ڳئی ، امریکا، برطانیہ، ترکی تے ٻئے ملکاں توں ماہرین شریک

راولپنڈی۔4جون (اے پی پی):آرمڈ فورسز انسٹی ٹیوٹ آف کارڈیالوجی اچ ردھم فار لائف 2022 دے عنوان توں کانفرنس شروع تھی ڳئی اے ۔آئی ایس پی آر موجب انٹرنیشل الیکٹرو فزیالوجی کانفرنس دے افتتاحی سیشن دی مہمان خصوصی لیفٹیننٹ جنرل نگار جوہر ہن ۔سول و ملٹری شعبیں توں ماہر کارڈیک الیکٹرو فزیالوجسٹس دی کانفرنس اچ شریک ہن ۔برطانیہ، ترکی، آذربائیجان، قطر،سعودی عرب اتے امریکا توں وی ماہرین کانفرنس اچ شریک ہن۔کانفرنس دے کنوینر اے ایف آئی سی دے الیکٹروفزیالوجی دے شعبہ دے سربراہ بریگیڈئیر پروفیسر عظمت حیات شرکا دا خیر مقدم کیتے۔بریگیڈئیر پروفیسرعظمت حیات دل دی دھڑکن دیاں پیچیدگیاں تے دستیاب علاج تے روشنی پاتی افتتاحی سیشن توں پروفیسر جسوندر سنگھ گل تے پروفیسر ایمریٹس گائز وی خطاب کیتا ۔پبلک ہیلتھ اسکاٹ لینڈ دے پروفیسر محمود عادل آپݨے خطاب اچ پبلک ہیلتھ اتے شعبہ میڈیسن اچ ڈیجیٹل ہیلتھ دے کردار تے روشنی پاتی ۔سرجن جنرل لیفٹیننٹ جنرل نگار جوہر آپݨے خطاب اچ الیکٹروفزیالوجی دی اہمیت کوں اجاگر کیتا ۔