لوکاں کوں اٹے تے 2 سو ارب روپے ریلیف ݙیندے پئے ہیں، کھنݙ اتے گھیو دا ملھ ڳھٹاوݨ دی وی تیکھے خوشخبری ݙیسوں، وزیر اعلیٰ پنجاب

لاہور۔07 جون(اے پی پی) وزیراعلی پنجاب حمزہ شہباز آکھیے جو صوبے دے لوکاں کوں اٹے تے 2 سو ارب روپے ریلیف ݙیندے پئے ہیں، کھنݙ اتے گھیو دا ملھ ڳھٹاوݨ دی وی تیکھے خوشخبری ݙیسوں۔ اے ڳالھ انہاں لاہور دے سابق چیئرمیناں اتے وائس چیئرمیناں نال ملݨ ویلھے آکھی۔ انہاں مسلے سݨیے اتے انہاں دے حل دیاں ہدایات ݙتن۔ ملݨ آلیاں اچ میاں مجتبیٰ شجاع الرحمن، توصیف شاہ، کبیر تاج، صبغت اللہ، دستگیر شاہ، احمد بٹ اتے ٻئے متعلقہ حکام وی موجود ہن۔ انہاں آکھیے جو آندے مہینے توں ہسپتالاں اچ کینسر اتے ٻیاں دوایاں مفت ملسن، لوکاں دے مسلے حل کرݨ کیتے ہر چھوٹے وݙے شہر ویساں۔