صدر ڈاکٹرعارف علوی دا قلعہ سیف اللہ ٹریفک حادثے اچ قیمتی جاناں دے ضیان تے افسوس

اسلام آباد۔8جون (اے پی پی) صدر مملکت ڈاکٹر عارف علوی قلعہ سیف اللہ ٹریفک حادثے اچ قیمتی جاناں دے ضیان تے ݙکھ تے افسوس کریندے ہوئیں زخمیاں کوں ہرممکن طبی امداد ݙیوݨ دی ہدایت کیتی اے ، ٻدھ کوں ایوان صدر دے پریس ونگ توں جاری بیان موجب صدر مملکت مرحومین کیتے مغفرت تے اچے درجے دی دعا کیتی اے ۔صدرمملکت جاں بحق تھیوݨ آلیں دے اہل خانہ نال ہمدردی دا اظہار کیتے۔صدر مملکت قلعہ سیف اللہ حادثے دے زخمیاں کیتے وختی صحت یابی دی دعاکیتی ۔صدر مملکت زخمیاں کوں ہر ممکن طبی امداد ݙیوݨ دی ہدایت کیتی اے ، صدر مملکت آندے ایں قسم دے حادثیں کوں روکݨ کیتے اقدامات دی لوڑھ تے وی زور ݙتا۔