فیصل آباد۔13جون (اے پی پی):فیصل آباد سودھے پورے ملک اچ خون دے عطیات دا عالمی ݙینھ (ورلڈ بلڈ ڈونرز ڈے) 14جون منڳل کوں چنڳے طریقے نال منایا ویسی ۔ مذکورہ ݙینھ دی مناسبت نال خصوصی تقریبات،کانفرنساں، ورکشاپس اتے ٻئے پروگرامز دا انعقاد کیتا ویسی جݙاں جو عوامی شعور جڳاوݨ کیتے واکس وی کیتی ویسی ، بلڈ کیمپس لاتے ویسن جتھاں ہر شہری تھیلیسیمیا اتے خون دی کمی دا شکار ٻئے مریضاں دے علاوہ حادثیں اچ زخمی تھیوݨ آلے لوکاں کیتے خون دے عطیات ݙیسن ،عالمی ادارہ صحت، محکمہ صحت، پاکستان میڈیکل ایسوسی ایشن، اسلامک میڈیکل ایسوسی ایشن، بلڈ ڈونرز ایسوسی ایشن، علی زیب فاؤنڈیشن، تھیلسیمیا بلڈ ڈونیشن سینٹرز تے ٻیاں متعلقہ تنظیماں دے زیر اہتمام تعلیمی اداریں، وݙیاں فیکٹریاں تے پبلک جاہواں تے خون دے عطیات جمع کرݨ دی وی مہم چلائی ویسی ۔
