عوام عمران خان دا کوڑا تے منافق چہرا سڄݨیندی اے ، ٻاہرلی سازش دا بیانیہ دفن تھیوݨ دے بعد 25 مئی دا بھڳوڑا ہݨ آپ دی ݙتی ہوئی مہانگ تے فتنہ فساد کھنڈاوݨ چاہندے ، وفاقی وزیر اطلاعات مریم اورنگزیب

اسلام آباد۔19جون (اے پی پی):وفاقی وزیر اطلاعات و نشریات مریم اورنگزیب آکھیے جو عوام عمران خان دا کوڑا تے منافق چہرا سڄݨیندی اے ، ٻاہرلی سازش دا بیانیہ دفن تھیوݨ دے بعد 25 مئی دا بھڳوڑا ہݨ آپ دی ݙتی ہوئی مہانگ تے فتنہ فساد کھنڈاوݨ چاہندے، عوام ملکی مفاد کوں کجھ ہیریں دے عوض ویچݨ دی کال تے کیوں نکلن ؟۔ عمران خان دی احتجاج دی کال تے ردعمل ݙیندے ہوئیں وفاقی وزیر اطلاعات آکھیے جو عوام کوڑے ، فتنہ، منافق اتے چور دی کال تے کیوں نکلن؟ عوام چار سال مزدور دی مزدوری تے عوام دی روٹی کھاوݨ آلے دی کال تے کیوں نکلن؟ مہانگ، معاشی تباہی تے بیروزگاری دے ذمے واراں دی کال تے کیوں نکلن ؟ چار سال مہانگ دا طوفان برپا کرݨ آلیں دی کال تے عوام کیوں نکلے؟ اقتدار اچ آئی ایم ایف نال کچا معاہدہ کرݨ آلے دی کال تے عوام کیوں نکلے؟ اٹا 35 توں 90 روپے کرݨ آلے دی کال تے عوام کیوں نکلے؟ کھنڈ 52 توں 120 روپے کرݨ آلے دی کال تے عوام کیوں نکلے؟ عوام خونی مارچ دی کال ݙیوݨ آلیں دے نال کیوں نکلے؟ عوام پولیس آلیں کوں گولیاں مارݨ آلے دے نال کیوں نکلے؟ عوام ملک کوں ترائے حصے اچ ونڈݨ دی ڳالھ کرݨ آلے نال نکلے؟ چار سال ملک دے مفاد ہیرے دیاں انگوٹھیاں دے عوض ویچݨ آلے دی کال تے کیوں نکلے ؟عوام ملک کوں تاریخی مقروض کرݨ آلے نال کیوں نکلے ، انہاں آکھیے حکومت ملک دا معاشی پاسہ سدھا کریندی پئی اے کہیں خونی تے فسادی احتجاج دی اجازت نہ ہوسی ۔