نیب دے ہوندے ملک چلݨ آلا نئیں، صدر پارٹی دا رکن ہووے تاں پارلیمان دی نفی ہی کریسی، سابق وزیراعظم شاہد خاقان عباسی

اسلام آباد۔21جون(اے پی پی)رہنما مسلم لیگ ن اتے سابق وزیراعظم شاہد خاقان عباسی آکھیے جو نیب ملک اچ سیاسی جوڑ توڑ کیتے استعمال تھئے، نیب دے ہوندے ملک چلݨ آلا نئیں، صدر پارٹی دا رکن ہووے تاں پارلیمان دی نفی ہی کریسی، کݙاھیں صدر مملکت چیئرمین کوں سݙ تے پچھیے جو کیہڑے لوکاں تے کیہڑے کیہڑے کیسز ٻݨائݨ؟ عارف علوی پی ٹی آئی دی ٹوپی لہا تے صدر دی ٹوپی پاون۔ اے ڳالھ انہاں نیب کورٹ اسلام آباد دے ٻاہرو میڈیا نال الیندے آکھی۔ انہاں آکھیا جو صدر دا نیب ترمیمی بل دستخط کیتے بغیر ولا ٻھیڄݨ افسوسناک اے، صدر مملکت نیب دا ریکارڈ منگوا ڳھنن، صدر کوں پوری پارلیمان دا منظور شدہ بل درست نظر نہ آوݨ سمجھ توں ٻاھرو اے۔ انہاں آکھیا جو نیب ملکی معیشت تباہ کیتی اے، لوڈشیڈنگ ٻہوں ڳھٹی اے، تیل دا معاملہ تے وی اکھ اے، رانا ثنا اللہ پی ٹی آئی چیئرمین عمران خان کوں مکمل سیکیورٹی ݙیندے پن۔