پنج ݙینھ وار دی انسداد پولیو مہم  شروع ، مہم اچ 12.6 ملین ٻالاں کوں قطرے پلواوݨ دا ہدف رکھیا ڳئے ،عبدالقادر پٹیل

اسلام آباد۔27جون  (اے پی پی):وفاقی وزیر قومی صحت عبدالقادر پٹیل آکھیے جو پولیو مکاوݨ تئیں آرام نال نہ ٻہسوں، سنوار کوں شروع تھیوݨ آلی مہم اچ 12.6 ملین ٻالاں کوں حفاظتی قطرے پلواوݨ دا ہدف رکھیا ڳئے۔سنوار کوں وزارت صحت توں جاری بیان موجب وفاقی وزیر آکھیے جو انسداد پولیو مہم دے دوران  12.6 ملین ٻالاں کوں حفاظتی قطرے پلواوݨ دا ہدف رکھیا ڳئے ، 25 ضلعے پولیو کیتے حساس قرار ݙتن ، حساس ضلعیں اچ سارے ٻالاں کوں پولیو دے قطرے پلائےویسن ، باقی ضلعیں اچ مخصوص یونین کونسل اچ مہم ہو سی ۔ مہم اچ ھک لکھ توں ودھ تربیت یافتہ فرنٹ لائن ورکرز گھر گھر وںڄ تے ٻالاں کوں حفاظتی قطرے پلویسن ۔