قومی اسمبلی آندے مالی سال 2022-23 ء دے 9502 ارب روپے دے وفاقی بجٹ دی منظوری ݙے ݙتی

اسلام آباد۔29جون(اے پی پی) قومی اسمبلی آندے مالی سال 2022-23 ء دے 9502 ارب روپے دے وفاقی بجٹ دی منظوری ݙے ݙتی۔ سرکاری ملازمین دی تنخواہواں اچ 15 فیصد ایڈہاک ریلیف، سابقہ ایڈہاک ریلیف بنیادی تنخواہ اچ ضم کرݙتن، ٹیکس محصولات دا ہدف 7470 ارب روپے رکھیے، زرعی مشینری تے کسٹم ڈیوٹی اتے مختلف اجناس دے بیجاں تے سیلز ٹیکس مکا ݙتے، این ایف سی ایوارڈ دے تحت صوبیاں کوں 41 سو ارب روپے ملسن، ترمیم دے بعد انکم ٹیکس دی ڳھٹ توں ڳھٹ شرح 6 لکھ روپے بحال، شرح سود ہدف 11.5 فیصد، شرح نمو دا ہدف 5 فیصد مقرر کیتے، 1300 سی سی توں اتے دیاں گاڈیاں تے کیپٹل ویلیو ٹیکس لائے، نان فائلر کیتے ٹیکس شرح سو توں ودھا تے 200 فیصد کر ݙتی گئی، 200 یونٹس توں ڳھٹ بجلی استعمال کرݨ آلے صارفین کوں سولر پینل کیتے بنک سوکھے قرضے ݙیسن، ایں سانڳے سولر پینل دی درآمد اتے مقامی سپلائی تے سیلز ٹیکس ختم کر ݙتے۔ قومی اسمبلی اچ وفاقی وزیر خزانہ مفتاح اسماعیل یکم جولائی 2022ء توں شروع تھیوݨ آلے سال کیتے وفاقی حکومت دی مالی تجاویز تے عمل اتے کڄھ قوانین اچ ترمیم دا بل مالی بل 2022ء تے غور کیتا ونڄے، جیندی اپوزیشن مخالفت کیتی اتے ایکوں مسترد کرݙتے جو ترامیم عوام مخالف ہین۔ بعد اچ سپیکر اے ترامیم ایوان اچ پیش کیتں۔ اپوزیشن دیاں ترامیم کثرت رائے نال مسترد ڄݙآن جو وزیر خزانہ مفتاح اسماعیل اتے حکومتی اراکین دیاں ترامیم منظور کر ڳھدن۔ ایندے اچ پٹرولیم مصنوعات تے 50 روپے تئیں لیوی لاوݨ، وݙیاں صنعتاں اتے کاروباری اداراں تے سپر ٹیکس دی ترمیم وی شامل اے، 13 صنعتاں کوں سپر ٹیکس لڳݨ نال 465 ارب روپے دا ریونیو ہدف رکھیے۔ اے مالی بل 2022ء منظوری کیتے ایوان اچ پیش تھیا جیکوں کثرت رائے نال منظور کر ڳھدا ڳئے۔