راولپنڈی ۔2جولائی (اے پی پی) سکیورٹی فورسز دی شمالی وزیرستان اچ دہشت گرداں دی موجودگی دی اطلاع تے کارروائی ،3 دہشت گرد ہلاک ،اسلحہ اتےبارود برآمد کر ڳھدا۔ چھݨ چھݨ کوں آئی ایس پی آر ولوں جاری پریس ریلیز دے مطابق سکیورٹی فورسز ، شمالی وزیرستان دے علاقے غلام خان کلے اچ دہشت گرداں دی موجودگی دی اطلاع تے کاروائی کریندیں ہوئیں ترائے دہشت گرد ہلاک کر ݙتے۔ ہلاک تھیوݨ آلے دہشت گرد سکیورٹی فورسز دے خلاف کاروائیاں اچ ملوث ہن۔
