راولپنڈی ۔2جولائی (اے پی پی) پاکستان اتے ایران دا ݙوہیں ملکاں وچال بامعنی اتے دیرپا سکیورٹی اتے دفاعی تعاون دی خواہش دا اظہار کیتے۔ ہفتے کوں آئی ایس پی آر ولوں جاری پریس ریلیز دے مطابق چیئرمین جوائنٹ چیفس آف اسٹاف کمیٹی جنرل ندیم رضا جیڑھے جو اسلامی جمہوریہ ایران دے سرکاری دورے تے ہن۔ انہاں ایران دے صدر سید ابراہیم رسول ساداتی اتے اعلیٰ عسکری قیادت نال ملاقات کیتی۔ ݙوہیں ملکاں وچال ݙو پاسہ سکیورٹی اتے دفاعی تعاون مضبوط ٻݨاوݨ سودھے ݙوپاسہ سٹریٹجک دلچسپی دے معاملے اتے علاقائی سلامتی دے معاملیاں تے ڳالھ مہاڑ کیتی ڳئی۔ چیئرمین جوائنٹ چیف آف سٹاف کمیٹی (جے سی ایس سی) ، وزیر دفاع بریگیڈیئر جنرل محمد رضا غرائی اشتیانی، چیف آف جنرل سٹاف میجر جنرل محمد باقری،کمانڈر انچیف اسلامی انقلابی گارڈ کورکمانڈر آف جنرل سٹاف میجر جنرل حسین سلامی،ایرانی بحریہ دے کمانڈر ریئر ایڈمرل شہرام ایرانی نال وی اںج اںج ملاقات کیتی۔ فضائیہ دے کمانڈر آف ائیر فورس بریگیڈیئر جنرل حامد واحدی وی ملاقات اچ موجود ہن۔
