اسلام آباد۔2جولائی (اے پی پی) وفاقی وزیر داخلہ رانا ثنا اللہ آکھیا جو ملک اچ امن و سلامتی اساݙے شہداء دی مرہون منت اے، شہداء دے ٹٻراں دی ہر طرح ݙیکھ بھال کریسوں۔ ملک دے امن کیتے جان قربان کرݨ آلیاں کوں خراج عقیدت پیش کریندوں۔ شہیداں کوں یاد نہ رکھݨ آلی قوماں جیندی نی رہندی، شہیداں دی قربانیاں قوماں دی تقدید بدل ݙیندن۔ گزریل حکومت اچ پولیس شہیداں دے ٹٻراں کوں بقایے ݙیوݨ اچ دیر کیتی ڳئی۔ دہشت گردی دی جنگ اچ 80 ہزار پاکستانیاں جان دی قربانی ݙتی اے۔ پٹرول ودھاوݨ دا فیصلہ ٻہوں اوکھا ہئی۔ اگر اساں الیکشن اچ ونجݨ دا فیصلہ کریندے تاں ملک دے ڈیفالٹ تھیوݨ دا ݙر ہئی۔ گزریل حکومت دے آئی ایم ایف معاہدہ تے عمل نہ کرݨ نال معاشی حالات خراب تھین۔ ملک تے قوم دی بہتری کیتے ساریاں کوں رَل تے ٻہوݨا پوسی۔ اے ڳالھیں انہاں چھݨ چھݨ کوں پولیس لائن اچ شہداں دے ٹٻراں نال خطاب کریندیں ہوئیں آکھی۔
