انفراسٹرکچردی بحالی اچ مصروف عملہ قوم دی عظیم خدمت کریندا پئے، پوری قوم اوکھے ویلھے ھک مٹھ اے ، وزیراعظم شہباز شریف

کچھی۔4ستمبر (اے پی پی):وزیراعظم شہباز شریف سیلاب توں متاثرہ انفراسٹرکچر دی بحالی دے کم دی تعریف کریندے ہوئیں آکھیے جو متاثرہ سڑکاں کوں وختی بحال کیتا ویسی، انفراسٹرکچر دی بحالی اچ مصروف عملہ قوم دی عظیم خدمت کریندا پئے ، پوری قوم اوکھے ویلھے ھک مٹھ اے ، سیلاب توں لکھاں گھر تباہ تھئن 1300 توں ودھ لوک جاں بحق تھئن ، وزیراعظم انفراسٹرکچر دی بحالی اچ مصروف لوکاں کیتے 50 لکھ روپے انعام دا اعلان وی کیتا، اوکھے ویلھے قوم کٹھی تھی تے ݙینھ رات کم کریندی اے ، اے ڳالھ انہاں سیلاب توں متاثرہ بلوچستان دے ضلع کچھی اچ پنجرہ پل تے سیلاب متاثرہ روڈ ریلوے انفراسٹرکچر دی بحالی دا جائزہ گھنݨ تے بی بی نانی پل دے دورہ دے موقع تے میڈیا نال الیندے ہوئیں آکھی اے ، ایں موقع تے جمعیت علمائے اسلام دے سینئر رہنما عبدالغفور حیدری ، وزیر اعلیٰ بلوچستان میر عبدالقدوس بزنجو ، چیئرمین این ایچ اے حسن آغا سودھے ٻئے حکام وی موجود ہن ۔وزیراعظم بلوچستان دے متاثرہ علاقیں دا دورہ کیتے، ایں موقع تے وزیراعظم کوں ضلع کچھی اچ پنجرہ پل تے سیلاب توں متاثرہ ریلوے انفراسٹرکچر دی بحالی تے بریفنگ ݙتی ڳئی ، بریفنگ اچ متعلقہ حکام آکھیے جو انفراسٹرکچر دی بحالی دا کم تکھے جاری اے۔ انفراسٹرکچر دی بحالی اچ پہلے توں بہتر کم کریسن۔ ایں موقع تے ڳالھ مہاڑ کریندے ہوئیں وزیراعظم آکھیے جو متاثرہ سڑکاں کوں وختی توں وختی بحال کیتا ویسی ۔ وزیراعظم انفراسٹرکچر دی بحالی کیتے مصروف عملہ کیتے 50 لکھ روپے انعام دا اعلان وی کیتا ، انہاں آکھیے جو انفراسٹرکچر دی بحالی اچ مصروف عملہ قوم دی عظیم خدمت کریندے پئن ، بحالی دا کم قومی خدمت اے، خدمت کرݨ آلیں کوں قوم دعاواں ݙیسی پوری قوم ایں ویلھے ھک مٹھ اے ، متاثرین دا مال ڈھور وھہہ ڳئے ، فصلاں تباہ تھی ڳئن ، سیلاب توں لکھاں گھر تباہ تھئن 1300 توں ودھ جاں بحق تھئن ، انہاں آکھیے اڄوکے سیلاب توں سندھ ، بلوچستان، خیبرپختونخوا، جنوبی پنجاب تے گلگت بلتستان دے علاقے متاثر تھئن ۔ وزیراعظم شہباز شریف آکھیے جو ضلع بولان اچ اڄوکے مینھ تباہی مچائی اے اتھاں سیلاب توں پل وھہہ ڳئن تے ٹریفک بند تھی ڳئی اے۔ انہاں آکھیے جو این ایچ اے، محکمہ پولیس ، اسسٹنٹ کمشنر مکمل تعاون کیتے جیڑھا جو قابل تعریف اے۔ انہاں آکھیے جیں کوآرڈینیشن نال کم تھئے 8 گھنٹے دے بعد پل ول بحال کیتے جیں تے سارے مبارخ دے مستحق ہن۔