وزیراعظم محمد شہباز شریف نال پاکستان اچ متحدہ عرب امارات دے سفارت خانے دے ناظم الامور دی ملاقات

لاہور ۔4ستمبر (اے پی پی):وزیراعظم محمد شہباز شریف نال پاکستان اچ متحدہ عرب امارات دے سفارت خانے دے ناظم الامور اتوار کوں لاہور اچ ملاقات کیتی ۔ وزیراعظم پاکستانی قوم دی طرفوں سیلاب متاثرین کیتے امدادی سامان دیاں پروازاں بھیجݨ تے متحدہ عرب امارات دی حکومت دا شکریہ ادا کیتے۔ اتوار کوں وزیر اعظم میڈیا ونگ توں جاری بیان موجب وزیر اعظم پاکستان اچ سیلاب متاثرین کیتے 50 ملین ڈالرز مالیت دا امدادی سامان بھیجݨ تے متحدہ عرب امارات دے صدر محمد بن زید النہیان اتے 50 ملین اماراتی درہم دی امداد تے متحدہ عرب امارات دے وزیراعظم محمد بن راشد آل مکتوم دا شکریہ ادا کیتے ۔وزیراعظم آکھیے جو متحدہ عرب امارات ہر آفت ویلھے پاکستان دے رلے کھڑے تے سفارتی اتے خارجی محاظ تے متحدہ عرب امارات ہمیشہ پاکستان دا ساتھ ݙتے. پاکستان متحدہ عرب امارات نال آپݨے تعلقات کوں قدر دی نگاہ نال ݙیکھدے ۔