سیلاب متاثرین کوں کہیں صورت کلہا نا چھڑیسوں، وزیراعلیٰ پنجاب دی سابق وفاقی وزیر غلام سرور نال ڳالھ مہاڑ

لاہور۔5ستمبر (اے پی پی) وزیراعلیٰ پنجاب چودھری پرویز الٰہی آکھیے جو تباہ کن سیلاب نال تھیوݨ آلے نقصانات دا ازلہ کیتا ویسی، سیلاب متاثرین کوں کہیں صورت کلہا نا چھڑیسوں۔ اے ڳالھ انہاں سابق وفاقی وزیر غلام سرور خان نال ملݨ ویلھے آکھی۔ غلام سرور خان متاثرین کیتے اقدامات تے پنجاب حکومت دی تعریف کیتی۔ وزیراعلی پنجاب آکھیا جو پنجاب حکومت بلوچستان، سندھ اتے خیبر پختونخوا دے سیلاب متاثرین کیتے ادویات اتے طبی عملہ ٻھڄویسی، اپݨے سیلاب متاثرہ ٻھیݨیں ٻھراواں دے نال ہیں، راجن پور، ڈیرہ غازی خان اتے میانوالی دے سیلاب متاثرہ علاقیاں کوں آفت زدہ قرار ݙتے اتے آبیانہ و مالیہ معاف کر ݙتے، گھراں، فصلاں اتے لائیو سٹاک دے نقصان دا اندازہ لیسوں، متاثرین کوں خیمے، خوراک دے پیکٹ، ٻیا ضروری سامان ݙیندے پئے ہیں جو لوکاں کوں فوری ریلیف ملے۔ انہاں آکھیا جو پنجاب کابینہ تباہ شدہ آبپاشی انفراسٹرکچر دی تعمیر و مرمت کیتے 4 ارب روپے دے فنڈز دی منظوری ݙتی اے۔