مظفرگڑھ۔26ستمبر (اے پی پی) مظفرگڑھ اچ چار روزہ ستویں تھل جیپ ریلی دا اعلان ، نوٹیفکیشن جاری کر ݙتا ڳیا۔ ہیڈ محمد والہ دے ریت ٹیلیاں توں شروع تھیوݨ آلی تھل جیپ ریلی 10 نومبر 2022 توں 13 نومبر تئیں تھیسی۔ تھل جیپ ریلی دے پہلے ݙینھ 10 نومبر کوں گاݙیاں دی رجسٹریشن، ٹیگنگ اتے میڈیکل چیک اپ تھیسی، ݙوجھے ݙینھ 11 نومبر کوں کوالیفائنگ را ؤنڈ تھیسی، 12 نومبر کوں سٹاک کیٹیگری ریس تھیسی اتے 13 نومبر کوں موڈیفائیڈ وہیکل اینڈ وومن کیٹگری ریس اتے سارے شرکا کوں تقریب تقسیم انعامات تھیسی۔ ستویں تھل جیپ ریلی پنجاب ٹورازم ڈویلپمنٹ کارپوریشن اتے ضلعی انتظامیہ دے تعاون نال کرائی ویندی پئی اے۔
