اسلام آباد۔2اکتوبر (اے پی پی) وفاقی ٹیکس محتسب دے کوآرڈینیٹر مہر کاشف یونس آکھیا جو طوفانی چھل دے بعد پاݨی جینویں جینویں پچھوں تھیندا پئے، حقیقی تباہی سامھے امدی پئی اے۔ آݙت وار کوں کالج آف ارتھ اینڈ انوائرنمنٹل سائنسز ولوں ”چھل متاثرہ علاقیاں اچ بحالی اتے تعمیر نو“ دے موضوع تے سیمینار توں خطاب کریندیں ہوئیں انہاں آکھیا جو چھل ملک دے ہک تہائی حصے کوں تباہ کیتے، ݙو مہینے اچ 1500 توں ودھ شہری ہلاک اتے لکھاں گھر تباہ تھی ڳئے۔ ہݨ پاݨی ڳھٹ تھیوݨ شروع تھیندا پئے اتے عالمی برادری وی ایں پاسے توجہ ݙیندی پئی اے حقیقی تباہی سامھے امدی پئی اے۔ عالمی ادارہ صحت ”ݙوجھی آفت“ توں خبردار کیتے کیونجو پاݨی نال بیماریاں پیدا تھیندن، بے گھر لوک جیڑھے ایں ویلھے عارضی کیمپاں اچ رہندے پئن انہاں کوں ڈینگی بخار، ملیریا اتے ڈائریا تھیندا ُئے۔
