سکھر۔3اکتوبر (اے پی پی):سکھراچ ہندو برادری دی طرفوں سیلاب متاثرین کوں راشن ݙتا ڳئے ایں ضمن اچ گزریل ݙینھ شدھانی شیوامنڈل سکھر،گوشالا کمیٹی اتے ہندو پنچایت سکھر دے زیر اہتمام سیلاب متاثرین کیتے راشن و امدادی سامان تقسیم کرݨ دی تقریب مقامی دربار ہال اچ تھئی تقریب دے مہمان خصوصی شدھانی دربار دے نوم جوت کے سنت یوڈیشٹر لال سپت ادھے لال ( رائے پور )ہن جݙاں جو ٻئے مہماناں اچ اقلیت رہنما راج کمار عرف راجو پی پی، رنجیت کمار، موہن لال،گوبند رام ماکھیجا اتے بنٹی جاوڑا سودھے ٻئے معززین شامل ہن ۔ تقریب اچ سیلاب متاثرین وی شرکت کیتی، جیں اچ 250 توں ودھ متاثرہ خانداناں کوں ں راشن بیگ و امدادی سامان ݙتا ڳئے ۔
