وفاقی وزیر آئی ٹی شزا فاطمہ خواجہ نال میٹا دے اعلیٰ سطح وفد دی ملاقات

اسلام آباد۔ 10 جولائی(اے پی پی)وفاقی وزیر برائے انفارمیشن ٹیکنالوجی و ٹیلی کمیونیکیشن شزا فاطمہ خواجہ نال میٹا دے ہک اعلیٰ سطح وفد ملیے جیندی قیادت جنوبی و وسطی ایشیاء کیتے میٹا دے ݙائریکٹر پبلک پالیسی صارم عزیر کیتی۔ انہاں پاکستان اچ ݙیجیٹلائزیشن دے فروغ، مصنوعی ذہانت (اے آئی) دے کردار اَتے عوامی شعبے اچ کم دے بہتر طریقے اپناوݨ اَتے کارکردگی اچ بہتری گھن آوݨ بارے امور تے تفصیلی گالھ مہاڑ تھئی۔ وفاقی وزیر حکومت پاکستان دے “ݙیجیٹل پاکستان” وژن کوں اڳونہا کریندے آکھیا جو ݙیجیٹل پاکستان دی تشکیل وزیراعظم دے وژن “ݙیجیٹل نیشنل پاکستان” دا اہم ستون اے جیںدا مقصد جدید ٹیکنالوجی دے ذریعے طرز حکمرانی، عوامی خدمات دی فراہمی اَتے اقتصادی ڈھانچے کوں مؤثر بݨاوݨ اے۔ میٹا دے وفد وفاقی وزیر کوں کمپنی دی مصنوعی ذہانت دے شعبے اچ حالیہ پیشرفت دا ݙسایا جیندے اچ ‘ایل ایل اے ایم اے’ جھیاں اوپن سورس ماڈلز، جنرل اے آئی دی عوامی شعبے اچ ایپلیکیشنز، اَتے اردو سودھا مقامی زباناں وچ اے آئی ماڈلز دی تیاری شامل اے۔ ݙوہیں وفود باہمی تربیتی پروگرامز خاص طور تے استاداں دی تربیت اچ دلچسپی ݙکھائی اتے اَتے مصنوعی ذہانت دے استعمال، ݙیجیٹل مہارتاں دی ترویج، اَتے اختراعی شراکت داریاں دے فروغ کیتے تعاون ودھاوݨ تے اتفاق کیتا۔ ایں گالھ تے زور ݙتا ڳیا جو پاکستان دے ݙیجیٹل ایکوسسٹم دی ترقی اچ پبلک-پرائیویٹ اشتراک کار کلیدی کردار ادا کر سڳدے۔