اسلام آباد۔ 10 جولائی(اے پی پی)وفاقی وزیر مواصلات عبدالعلیم خان نال پاکستان اچ ایران دے سفیر رضا امیری مقدم ملین جیںدے اچ ݙوہیں ملکاں وچال پہلے توں موجود تعلقات دے فروغ اَتے باہمی دلچسپی دے مختلف امور تے الایا۔ وفاقی وزیر عبدالعلیم خان آکھیا جو پاکستان اَتے ایران دے عوام گہرے دوستانہ اَتے مذہبی رشتے نال جڑے ہوئن جیڑھے ٻئے ودھسن۔ عبدالعلیم خان ایرانی سفیر رضا امیری مقدم نال ملاقات …
وفاقی وزیر عبدالعلیم خان نال ایران دے سفیر رضا امیری مقدم دی ملاقات
مزید خبراں
اسلام آباد۔ 10 جولائی(اے پی پی)وفاقی وزیر مواصلات عبدالعلیم خان نال پاکستان اچ ایران دے سفیر رضا امیری مقدم ملین جیںدے اچ ݙوہیں ملکاں وچال پہلے توں موجود تعلقات دے فروغ اَتے باہمی دلچسپی دے مختلف امور تے الایا۔ وفاقی وزیر عبدالعلیم خان آکھیا جو پاکستان اَتے ایران دے عوام گہرے دوستانہ اَتے مذہبی رشتے نال جڑے ہوئن جیڑھے ٻئے ودھسن۔ عبدالعلیم خان ایرانی سفیر رضا امیری مقدم نال ملاقات اچ اسرائیلی-ایران جنگ اچ شہید تھیوݨ آلے ایرانی شہریاں اَتے افسراں دے بلندی درجات کیتے فاتحہ پڑھی۔ ایران دے سفیر آکھیا جو ایران صہیونیاں دی ذہنیت اَتے کارروائیاں دا مردانہ وار مقابلہ کیتا اَتے اے کامیابی اللہ تعالیٰ دی مہربانیاں اچوں خاص ترین ہئی۔ ݙوہیں رہنماواں دا آکھݨ ہا جو پاکستان اَتے ایران کوں ایں جنگ دوست اَتے دشمن دی سنڄاݨ کرا ݙتی اَتے خاص طور تے ڄڳ تے بھارت اَتے اسرائیل دی اصلیت کھُل تے سامݨے آ ڳئی اے۔ وفاقی وزیر مواصلات عبدالعلیم خان ایران کوں ہر ممکن تعاون دی پیشکش کریندے آکھیا جو انہاں دی وزارت ذرائع مواصلات دے شعبے اچ بہتری کیتے مشترکہ اقدامات کریسی اَتے ایران دے نال ݙو طرفہ تعاون کوں مزید فروغ ݙیتا ویسی۔
