اسلام آباد۔2نومبر (اے پی پی سرائیکی سروس) ٻالاں دی ترائے ݙینھ دی کانفرنس کامیاب کراوݨ تے چیئرمی اکادمی اتے ٻالاں دے ادب نال جڑیے اہل قلم کوں دل دی گہرایاں توں مبارخ ݙیوݨ چاہندی آں جو انہاں دی محنت نال اے کانفرنس کامیاب تھئی۔ اے ڳالھیں محترمہ فارینہ مظہر، وفاقی سیکرٹری ، قومی ورثہ و ثقافت ڈویژن، اکادمی ادبیات پاکستان ولوں تھیوݨ آلی دائرہ علم تے ادب پاکستان دے سانجھ نال ترائے ݙینھ دی بین الاقوامی کانفرنس دی چھیکڑی تقریب اچ آکھی۔ او ایں تقریب دی مزمان خصوصی ہن۔ اصغر ندیم سید اتےڈاکٹر فاطمہ حسن مہمانان اعزاز ہن۔ ڈاکٹر یوسف خشک، چیئرمین اکادمی ادبیات پاکستان خطبہ استقبالیہ پیش کیتا ۔محمد حفیظ خان(پنجاب)، ڈاکٹر اباسین یوسفزئی(خیبر پختونخواہ)، ڈاکٹر ادل سومرو(سندھ)، ڈاکٹر رئوف رفیقی (بلوچستان )تےاحسان دانش (گلگت ؍بلتستان ) ڳالھ مہاڑ کریندیں ہوئیں آکھیا جو اکادمی دے تحت ترائے ݙینھ دی کانفرنس کوں آپݨی نوعیت دے اعتبار نال وکھری اتے کامیاب کانفرنس ہئی جئیں کیتے ڈاکٹر یوسف خشک، بجاطور تے مبارخ باد دے مستحق ہن۔ نظامت ڈاکٹر عنبرین حسین عنبر کیتی۔
محترمہ فارینہ مظہر، وفاقی سیکرٹری ، قومی ورثہ تے ثقافت ڈویژن آکھیا جو پاکستان دے مختلف علاقیاں توں تشریف ڳھن آوݨ آلے صاحبان فہم تے فراست اتے ہال اچ موجود لائق قدر شو دا تریمتیں تے حضرات اڄ ایں ترائے ݙینھ دی کانفرنس دا چھیکڑی اجلاس اے۔ میکوں ذاتی طور اطمینان اے جو پچھلے ترائے ݙینھ پاکستانا تے ٻاہرلے ملک توں ٻالاں دے ادیب، تخلیق اکر، شاعر اتے محقق دی وݙی تعداد شریک تھئی اے۔ ٻالاں دی ترائے ݙینھ دی کانفرنس کامیاب کراوݨ تے چیئرمی اکادمی اتے ٻالاں دے ادب نال جڑیے اہل قلم کوں دل دی گہرایاں توں مبارخ ݙیوݨ چاہندی آں جو انہاں دی محنت نال اے کانفرنس کامیاب تھئی۔
اصغر ندیم سید آکھیا جو پچھتر سالیاں اچ پہلی واری پاکستان اچ ایں نوعیت دی کانفرنس تھئی اے جئیں کیتے چیئرمین اکادمی اتے ثقافت ڈویژن مبارکباد دے مستحق ہن۔ ڈاکٹر فاطمہ حسن آکھیا جو ایں کانفرنس اچ شرکت کر تے محسوس تھیے جو اے ترائے ݙینھ میں آپݨے بچپن نال گزارین۔ ڈاکٹر یوسف خشک ، چیئرمین اکادمی ادبیات پاکستان آکھیاجو الحمداللہ اکادمی ادبیات پاکستان دے تحت پہلی ترائے روزہ بین الاقوامی کانفرنس بچوں کا ادب :ماضی ، حال اور مستقبل چھیکڑ تے پڄ ڳی اے۔ پر اصل اچ اے شروعات اے ہک مضبوط بنیاد دی۔ اساں سارے ہک مضبوط، مستحکم اتے خوشحال پاکستان چاہندوں۔ ایں جدید اتے پیچیدہ دنیا کوں سمجھݨ اچ ادب ٻہوں اہم اے ۔ ایں کیتے اساں ٻالاں دے ادب اچ ماضی حال دا جائزہ ڳھندیں ہوئیں مستقبل دے امکانات تے توجہ ݙتی اے۔ انہاں آکھیا جو افتتاحی اجلاس اچ وفاقی وزیر برائے انجینئرامیر مقام مشیربرائےوزیر اعظم پاکستان برائے قومی ورثہ و ثقافت ڈویژن خصوصی دلچسپی ݙکھائی اتے چھیکڑی اجلاس اچ وفاقی سیکریٹری برائے قومی ورثہ و ثقافت ڈویژن محترمہ فارینہ مظہر صاحبہ تشریف فرما ہن۔
اکادمی ادبیات پاکستان بے شمار کانفرنسز اتے سیمینار کرائن پر ٻالاں دے ادب دے اے کانفرنس ایں لحاظ نال آپݨی نوعیت دے اعتبار نال وکھری اتے اہم کانفرنس ہئی ایں اچ سامعین ٻال ہن۔ سیکریٹری برائے قومی ورثہ وثقافت ڈویژن محترمہ فارینہ مظہر صاحبہ دا خصوصی شکریہ ادا کرینداں جو ایں کانفرنس دے چھیکڑی اجلاس اچ آپݨی مصروفیت اچ ویلھا کڈھ تے اتھ آئن۔
