اسلام آباد۔ 3 جون (اے پی پی)وزیراعظم دے خصوصی معاون تے وزیر مملکت سید طارق فاطمی روسی فیڈریشن دے دورے دے آغاز وچ منڳل کوں روسی وزیر خارجہ سرگئی لاوروف نال ملاقات کیتی۔ دفتر خارجہ موجب ، وزیراعظم دے خصوصی معاون روسی فیڈریشن دے وزیر خارجہ کوں وزیراعظم ولوں خیر سگالی دا پیغام پُڄایا۔ انہاں توانائی، رابطے تے تجارت سودھے مختلف شعبیں وچ روس نال ݙو طرفہ تعاون کوں گھاٹا …
وزیراعظم دے خصوصی معاون سید طارق فاطمی دی روسی فیڈریشن دے وزیر خارجہ سرگئی لاوروف نال ملاقات
مزید خبراں
اسلام آباد۔ 3 جون (اے پی پی)وزیراعظم دے خصوصی معاون تے وزیر مملکت سید طارق فاطمی روسی فیڈریشن دے دورے دے آغاز وچ منڳل کوں روسی وزیر خارجہ سرگئی لاوروف نال ملاقات کیتی۔ دفتر خارجہ موجب ، وزیراعظم دے خصوصی معاون روسی فیڈریشن دے وزیر خارجہ کوں وزیراعظم ولوں خیر سگالی دا پیغام پُڄایا۔ انہاں توانائی، رابطے تے تجارت سودھے مختلف شعبیں وچ روس نال ݙو طرفہ تعاون کوں گھاٹا کرݨ کیتے پاکستانی قیادت دے عزم دا اعادہ کیتا۔سید طارق فاطمی جنوبی ایشیا وچ اڄوکی پیشرفت بارے وچ وی تفصیلی بریفنگ ݙتی جئیں وچ انہاں کوں علاقائی کشیدگی دے خطریں متعلق پاکستان دے خدشات دا ݙسایا ڳئے ۔ انہاں خاص طور تے بھارت دی طرفوں سندھ طاس معاہدے کوں معطل کرݨ تے پاݨی دے وہݨ اچ خلل ڈیوݨ دی تڑی سنگین مضمرات تے روشنی پاتی۔وزیر خارجہ لاوروف روس تے پاکستان وچال ݙو طرفہ تعاون وچ مسلسل ودھارے تے اطمینان دا اظہار کیتا تے اہم سانجھے تعاون دے منصوبیں، جنہاں وچ نویں سٹیل ملز دا قیام تے اہم رابطے دے اقدامات شامل ہن، تے زور ݙتا۔ انہاں روس دی پاکستان نال شنگھائی تعاون تنظیم (ایس سی او) دے فریم ورک دے تحت تعلقات کوں تکڑا بݨاوݨ سودھے انسداد دہشت گردی دے شعبے وچ دلچسپی دا اعادہ کیتا۔پاک بھارت تعلقات دے حوالے نال، وزیر خارجہ سرگئی لاوروف علاقائی استحکام تے اوندے مثبت اثرات دا ذکر کریندے ݙوہیں ملکاں وچال تعلقات کوں معمول تے گھن آوݨ کیتے روس دی حمایت تے زور ݙتا۔ اجلاس دے اختتام توں پہلے وزیراعظم دے خصوصی معاون وزیر اعظم محمد شہباز شریف دا ہک خط صدر ولادی میر پیوٹن کوں پُڄایا۔
