ایشیائی ترقیاتی بینک پاکستان کیتے 55 کروڑ ڈالر دی منظوری ݙے ݙتی

اسلام آباد۔12دسمبر(اے پی پی) ایشیائی ترقیاتی بینک (اے ڈی بی) پاکستان کیتے 55 کروڑ 40 لکھ ڈالر دی منظوری ݙے ݙتی ۔ایشیائی ترقیاتی بینک دی طرفوں جاری اعلامیہ موجب پاکستان کوں ݙتی ونڄݨ آلی رقم سیلاب متاثرہ علاقیں اچ نویں سروں تعمیر تے موسمیاتی تبدیلیاں تے مدافعت پیدا کرݨ تے خرچ تھیسی ۔اعلامیے اچ ݙسایا ڳئے جو منظور کیتی ڳئی رقم 30 لکھ ڈالر اے ڈی بی دی گرانٹ اتے47 کروڑ 50 لکھ ڈالر قرض اے جݙاں جو منظور شدہ رقم اچ جاپان دی طرفوں 50 لکھ ڈالر گرانٹ اے۔اعلامیہ اچ مزید آکھیے جو ایں رقم توں آبپاشی نظام دی بحالی اتے نکاسی آب دے منصوبے مکمل ہوسن ، رقم سندھ، کے پی اتے بلوچستان اچ ٹرانسپورٹ نظام دی بحالی دے منصوبیں تے خرچ ہوسی۔