حکومت سیلاب توں متاثر لوکاں دی بحالی کیتے ݙینھ رات کم کریندی پئی اے ،عبدالقادر پٹیل

اسلام آباد۔16دسمبر(اے پی پی) وفاقی وزیر قومی صحت عبدالقادر پٹیل آکھیے حکومت سیلاب توں متاثرہ لوکاں دی بحالی کیتے ݙینھ رات کم کریندی پئی اے ۔ پاکستان دی تاریخ اچ سیلاب دے نتیجے اچ پہلے اتنی کݙاہیں تباہی نی تھئی ۔وزارت صحت توں جاری بیان موجب اے ڳالھ وفاقی وزیر سویٹزرلینڈ دے سفیرجارج سٹینرنال ڳالھ مہاڑ کریندے ہوئیں آکھی اے جنہاں جمعے کوں اتھاں انہاں دے نال ملاقات کیتی ۔ ملاقات اچ صحت دے شعبے اتے ݙو پاسے سانجھی دلچسپی دے امور تے ڳالھ مہاڑ کیتی ڳئی ۔ ملاقات اچ پاکستان اچ سیلاب دے نتیجے اچ تھیوݨ آلی تباہی دی موجودہ صورت حال دا وی جائہز ڳھدا ڳئے۔ وفاقی وزیر عبدالقادر پٹیل آکھیے سیلاب دی تباہی توں 33 ملین لوک متاثر تھئں تے ملک دا ھک تہائی حصہ پاݨٰ دی زد اچ ہئی ۔ پاکستان دی تاریخ سیلاب دے نتیجے اچ پہلے اتنی کݙاہیں تباہی نی تھئی ۔ ملاقات اچ سویٹزرلینڈ دے سفیرجارج سٹینر آکھیے سیلاب متاثرین دی بحالی کیتے سویٹزرلینڈ دی حکومت پاکستان نال بھر پور تعاون کریندی پئی اے ۔ اوکھے ویلھے اساں سیلاب متاثرین دے رلے کھڑوں ۔ وزیر صحت عبدالقادر پٹیل سویٹزرلینڈ دی حکومت دا خصوصی شکریہ ادا کیتے ۔ سویٹزرلینڈ دے سفیر فروری اچ سوئٹزرلینڈ اچ تھیوݨ آلی پیشنٹ سیفٹی کانفرنس دی وزیر صحت کوں دعوت ݙتی۔