بنوں اچ سی ٹی ڈی کمپائونڈ دہشتگرداں توں کلیئر کرا ڳھدے، وزیر دفاع خواجہ محمد آصف دا پارلیمنٹ دے مشترکہ اجلاس نال خطاب

اسلام آباد۔20 دسمبر(اے پی پی)وزیر دفاع خواجہ محمد آصف آکھیے جو بنوں اچ سی ٹی ڈی کمپائونڈ کوں دہشت گرداں توں کلیئر کر ڳھدے، آپریشن اچ سارے دہشتگرد ماریے ڳین ڄݙاں جو سکیورٹی فورسز دے 2 جوان شہید اتے 15 زخمی تھین۔ پارلیمنٹ دے مشترکہ اجلاس نال خطاب کریندے خواجہ محمد آصف آکھیے جو سی ٹی ڈی کمپائونڈ بنوں اچ 33 گرفتار دہشت گرد رکھیے ڳئے ہن، ہک دہشتگرد ہک ملازم کوں سلھ مار تے اسلحہ کھسیے اتے عملہ یرغمال ٻݨائے۔ بنوں اچ سی ٹی ڈی کمپائونڈ اچ 20 دسمبر کوں ساݙھے 12 وڄے سکیورٹی فورسز آپریشن شروع کیتے اتے سارے دہشتگرد ماریے ڳن۔ سی ٹی ڈی کمپائونڈ کلیئر کرا ڳھدا ڳئے۔ ایں کارروائی اچ ہک افسر اتے 15 جوان زخمی تھین اتے سارے محصورین چھڑوا ڳھدے ڳن، انہاں گرفتار دہشت گرداں دا مختلف گروہاں نال تعلق ھا۔