اسلام آباد دے سیکٹر آئی ٹین فور اچ دھماکا، پولیس اہلکار شہید، 5 زخمی

اسلام آباد۔23دسمبر(اے پی پی) وفاقی دارالحکومت اسلام آباد دے سیکٹر آئی ٹین فور اچ بارود توں بھری ٹیکسی اچ دھماکے دے نتیجے اچ ھک پولیس اہلکارعدیل حسین شہید تے 5 اہلکار شدید زخمی تھی ڳئن۔دھماکہ ڳلی نمبر 31 اچ فیملی ہسپتال دے نیڑے 11 وڄ تے 15 منٹ تے اوں ویلھے تھیا جݙاں ایگل سکواڈ دے جواناں مشکوک گاݙی چیکنگ کیتے روکݨ دی کوشش کیتی ۔دھماکہ اتنا زور دا ہئی جو علاقے اچ بھاڄڑ مچ ڳئی تے لوکاں اچ ݙر کھنڈ ڳیا ۔اطلاع ملدے ہی پولیس حکام وقوعہ دی جاہ تے پڄ ڳئے ۔ پولیس علاقے کوں ولا ݙے ڳھدا ۔پولیس ترجمان نال رابطہ کرݨ تے ݙسایا ڳئے جو راولپنڈی دے نیڑے سیکٹر آئی ٹین فور ڈی ڳلی نمبر 31 اچ دھماکہ تھئے۔دھماکہ دی جاہ توں بالکل نیڑے ہی فیملی ہسپتال موجود اے۔ݙسایا ڳئےجو گاݙی اچ باری مقدار اچ دھماکا خیز مواد موجود ہئی۔پولیس حکام دے نال نال دھماکا خیز مواد کوں ڈسپوز کرݨ آلا عملہ وی موقع تے پڄ ڳئے ۔