سپیکر قومی اسمبلی راجہ پرویز اشرف دا محترمہ بےنظیر بھٹو شہید دے 15ویں ورھیݨے دے موقع تے پیغام

محترمہ بینظیر بھٹو امن ،برداشت تے جمہوریت دی پالیسی تے کار بند رہیاں، ملک اچ جمہوریت دی بحالی و استحکام اتے آئین دی بالا دستی کیتے بھر پور جدو جہد کیتی،سپیکر قومی اسمبلی
اسلام آباد۔26دسمبر (اے پی پی):سپیکر قومی اسمبلی راجہ پرویز اشرف آکھیے شہید محترمہ بینظیر بھٹو کوں اسلامی دنیا دی پہلی تریمت وزیراعظم منتخب ہووݨ دا اعزاز حاصل اے، انہاں اے مقام اپݨی اعلیٰ سیاسی بصیرت، جہد مسلسل اتے قیادت دی اعلیٰ صلاحیتاں دی بنا تے ڳھدا ، محترمہ بینظیر بھٹو امن ،برداشت اتے جمہوریت دی پالیسی تے کار بند رہیاں تے ملک اچ جمہوریت دی بحالی تے استحکام اتے آئین دی بالا دستی کیتے بھر پورجدو جہد کیتی تے قید و بند دیاں مصیبتاں برداشت کیتیاں۔محترمہ کساناں، مزدوراں تے معاشرے دے پسے ہوئے طبقے دے حقوق دا تحفظ اتے فلاح وبہبود کیتے ہر فورم تے آواز چاتی ۔اے ڳالھ سپیکر قومی اسمبلی محترمہ بےنظیر بھٹو شہید دے 15ویں ورھیݨے دے موقع تے آپݨے سنھیے اچ آکھی اے جیڑھا منڳل 27 دسمبر 2022 کوں پورے ملک اچ عقیدت و احترام نال منائی ویسی ۔انہاں محترمہ بینظیر بھٹو دی قربانی کوں خراج تحسین پیش کریندے ہوئیں آکھیے 27 دسمبر 2007 دے ݙینھ کوں ملکی تاریخ اچ ہمیشہ ھک المناک ݙینھ دے طور تے یاد رکھیا ویسی ۔ انہاں آکھیے شہید محترمہ بےنظیر بھٹو دی شہادت توں ملک دی سیاست اچ پیدا تھیوݨ آلا خلا پر نہ تھی سڳسی ۔