وزیراعظم محمد شہباز شریف دی مملکت بحرین دے شاہ حمد بن عیسیٰ الخلیفہ نال ڳالھ مہاڑ

اسلام آباد۔28دسمبر(اے پی پی)وزیراعظم محمد شہبازشریف اتے بحرین دے شاہ حمد بن عیسیٰ الخلیفہ کثیرالجہتی فورمز تے ݙوہاں ملکاں وچال تعاون تے اطمینان کریندے روابط برقرار رکھݨ تے باہمی دلچسپی دے امور تے رل تے کم کرݨ تے اتفاق کیتے۔ وزیراعظم محمد شہبازشریف بحرین دے شاہ حمد بن عیسیٰ الخلیفہ نال ٹیلی فون تے الائے اتے انہاں کوں 9 جنوری 2023 کوں جنیوا اچ تھیوݨ آلی کلائمیٹ ریزیلینٹ پاکستان تے بین الاقوامی کانفرنس دا ݙسایا اتے ایندے اچ بحرین توں اعلیٰ سطح شرکت دا آکھیا۔ شاہ حمد بن عیسیٰ الخلیفہ پاکستان اچ موسمیاتی سیلاب دے بعد تعمیرنو اتے بحالی دے اقدامات دی تعریف کیتی۔ شاہ حمد بن عیسیٰ الخلیفہ بحرینی قیادت ولوں پاکستان نال ݙوطرفہ تعلقات ٻئے تکڑے اتے وسیع کرݨ دا عزم دوہرایا۔