گورنر پنجاب خاتم النبین یونیورسٹی لاہور ٻل 2022 ، یونیورسٹی آف گجرات (ترمیمی)ٻل 2022 ،ٻہوں ساریاں تعیناتیاں دی منظوری ݙے ݙتی

لاہور۔29دسمبر (اے پی پی):گورنر پنجاب خاتم النبینﷺ یونیورسٹی لاہور ٻل 2022 اتے یونیورسٹی آف گجرات (ترمیمی)ٻل 2022 دی وی منظوری ݙے ݙتی اے۔ گورنر پنجاب بطور چانسلر ڈاکٹر محمد امجد شعبہ الیکٹرونکس انجینئرنگ کوں اسلامیہ یونیورسٹی بہاولپور انجینئرنگ فیکلٹی دے ترائے سال کیتے ڈین ،گورنمنٹ کالج یونیورسٹی فیصل آباد دے شاہد جاوید کوں ترائے سال کیتے بطور کنٹرولر آف ایگزامینیشن (بی ایس۔20) تعینات کرݨ تے فاطمہ جناح ویمن یونیورسٹی راولپنڈی دی پروفیسر ڈاکٹر ثروت رسول کوں ترائے سال کیتے بطور ڈین فیکلٹی آف آرٹس اینڈ سوشل سائنسز تعیناتی دی منظوری ݙے ݙتی ۔گورنر پنجاب وائس چانسلر گورنمنٹ کالج ویمن یونیورسٹی فیصل آباد پروفیسر ڈاکٹر روبینہ فاروق کوں ترائے سال کیتے سرگودھا یونیورسٹی داسنڈیکیٹ ممبر اتے پرفیسر ڈاکٹر ملک غلام بہلول کوں ترائے سال کیتے بطور ڈین فیکلٹی آف ایجوکیشن فاطمہ جناح ویمن یونیورسٹی راولپنڈی تعیناتی دی منظوری وی ݙے ݙتی ۔گورنر پنجاب/چانسلر فاطمہ جناح ویمن یونیورسٹی دی اکیڈمک کونسل کیتے پنج ممبرز کوں نامزد کرݙتا ،جنہاں کوں نامزد کیتا ڳئے انہاں اچ پروفیسر حناطیبہ(وائس چانسلر انسٹی ٹیوٹ آف فیشن ڈیزائن لاہور،ڈاکٹر نبیلہ ذکا سینیٹر ریسرچ فیلو ہیلتھ سائنسز اکیڈمی اسلام آباد، ڈاکٹر عائشہ محی الدین پروفیسر بائی لوجیکل سائنسز نیشنل یونیورسٹی آف میڈیکل سائنسز،ڈاکٹر محمد امجد ثاقب ایگزیکٹو ڈائریکٹر اخوت فائونڈیشن اتے ڈاکٹر نائمہ انصاری صدر اسلام آباد ویمن چیمبر آف کامرس اینڈ انڈسٹری شامل ہن۔گورنر پنجاب دی منظوری دے بعد پنجاب یونیورسٹی آف ٹیکنالوجی پی یو ٹی رسول منڈی بہائوالدین دے رجسٹرار کنٹرولر ایگزیمینیشن اتے خزانچی دا اضافی چارج بالترتیب محمد ارشد پرنسپل پی یو ٹی منڈی بہاوالدین،پروفیسر ڈاکٹر محمد مدثر غفور ( بی ایس ۔21)پنجاب یونیورسٹی جہلم اتے احمد جمیل ترک ایڈیشنل کنٹرولر ایگزیمینیشن گجرات یونیورسٹی کوں ݙے ݙتا۔