قومی اہمیت دے حامل منصوبیں کوں ترجیحی بنیاداں تے مکمل کیتا ویسی ، ترقیاتی بجٹ دے استعمال اچ غفلت برداشت نہ کیتی ویسی ،احسن اقبال

اسلام آباد۔29دسمبر(اے پی پی) وفاقی وزیرمنصوبہ بندی، ترقی وخصوصی اقدامات پروفیسراحسن اقبال آکھیے جو پی ایس ڈی پی اچ قومی اہمیت دے حامل منصوبیں کوں ترجیحی بنیاداں تےمکمل کیتا ویسی تے ترقیاتی بجٹ دے استعمال اچ غفلت برداشت نہ کیتی ویسی ۔ اے ڳالھ انہاں سرکاری شعبہ دے سالانہ ترقیاتی پروگرام (پی ایس ڈی پی) دے حوالے نال جائزہ اجلاس دی صدارت کریندے ہوئیں آکھی اے ۔ اجلاس توں خطاب اچ وفاقی وزیرآکھیے سالانہ ترقیاتی پروگرام گزریل 4 سالاں اچ 1000ارب روپے توں گھٹ تے 727 ارب روپے رہ ڳئے۔ انہاں آکھیے تاریخ اچ پہلی واری گزریل حکومت ترقیاتی بجٹ کیتے چھیکڑی ترائے مہینے دی قسط جاری نی کیتی ۔ احسن اقبال آکھیے گھٹ تے محدود وسائل دے بدولت جاری مالی سال کیتے سرکاری شعبہ دے سالانہ ترقیاتی پروگرام کیتے 727 ارب روپے دا بجٹ مختص تھیا ۔وفاقی وزیرآکھیے جو قومی اہمیت دے حامل منصوبیں کوں ترجیحی بنیاداں تے مکمل کرݨ اولین ترجیح اے تے ترقیاتی بجٹ دے استعمال اچ غفلت وکوتاہی برداشت نہ کیتی ویسی ۔ انہاں آکھیے پی ایس ڈی پی دے منصوبیں کیتے دسمبر تئیں 257 ارب روپے جاری کیتے ڳئن ، وفاقی وزیرآکھیے پی ایس ڈی پی دے منصوبیں کیتے تریجھی سہ ماہی اچ 218 ارب روپے جاری کیتے ویسن ۔