پورے ملک توں کورونا وائرس دے25کیس رپورٹ تھئن،قومی ادارہ صحت

اسلام آباد۔30دسمبر (اے پی پی):قومی ادارہ صحت ( این آئی ایچ) آکھیے پورے ملک توں چووی گھنٹے اچ کورونا وائرس دے25کیس رپورٹ تھئن ۔ این آئی ایچ دی طرفوں جمعہ کوں جاری کیتے ڳئے اعدادوشمار موجب پورے ملک اچ 24 گھنٹے اچ 3ہزار523کورونا ٹیسٹ کیتے ڳئن جنہاں اچوں 25 لوکاں دے ٹیسٹ مثبت آئے ، ایویں کورونا ٹیسٹ دی مثبت شرح 0.71فیصد رہی۔ ایں کورونا وائرس توں کوئی مریض جاں بحق نی تھیا جݙاں جو 18مریضاں دی حالت تشویشناک اے۔ملک دے وکھو وکھ شہراں اچ گزریل 24 گھنٹے اچ کیتے ڳئے کورونا ٹیسٹ اچ فیصل آباد اچ 95ٹیسٹ کیتے ڳئن جنہاں اچوں ھک بندے دا ٹیسٹ مثبت آئے اتھاں مثبت کیساں دی شرح 1.05فیصد ،لاہور اچ 839 ٹیسٹ اچوں 6 لوکاں دا ٹیسٹ مثبت اتے شرح 0.72فیصد رہی جݙاں جو پشاور اچ 552ٹیسٹ اچوں6 لوکاں دے ٹیسٹ مثبت آئے اتے اتھاں شرح1.09فیصد رہی۔