عمران خان اپݨے چار سالہ دور اقتدار اچ عوام کیتے کوئی مثبت اقدام کرݨ اچ ناکام رہیے، وفاقی وزیر میاں جاوید لطیف

اسلام آباد۔31دسمبر(اے پی پی):وفاقی وزیر میاں جاوید لطیف آکھیے جو عمران خان اپݨے چار سالہ دور اقتدار اچ عوام کیتے کوئی مثبت اقدام کرݨ اچ ناکام رہیے ۔وفاقی وزیر نجی ٹی وی چینل نال ڳالھ مہاڑ کریندے ہوئیں آکھیے جو عمران خان اپݨے دور اقتدار اچ عوام کیتے کوئی موثر اقدام نی کرسڳیے بلکہ ایں دوران او عوام کوں گمراہ کرݨ اچ مصروف رہیے ۔ انہاں دعوی کیتے جوعمران خان ملک کوں دیوالیہ پن دی حد تئیں پڄایا تاں جو اتحادی حکومت ملک دے معاشی پاسے کوں سدھا کریندی پئی اے ۔ انہاں آکھیے عمران خان دی حکومت چارسال اچ کوئی وی ھک ترقیاتی منصوبہ شروع نی کیتا جݙاں جو ملک دے سارے وݙے منصوبیں دا کریڈٹ پی ایم ایل کوں ویندے۔ ملک اچ عام انتخابات تے عمران خان دے مطالبہ دے جواب اچ انہاں آکھیے اے تاثر غلط اے جو پی ایم ایل اتے ایندی اتحادی جماعت الیکشن توں بھڄدیاں پئن ۔ انہاں مزید آکھیے ایں ویلھے ملک ویلھے توں پہلے انتخابات کراوݨِ دی پوزیشن اچ کائنی ۔