وزیراعظم محمدشہبازشریف دا سابق پوپ ایمرٹس بینڈکٹ دے انتقال تے ݙکھ تے افسوس

اسلام آباد۔31دسمبر(اے پی پی) وزیراعظم محمد شہبازشریف سابق پوپ ایمرٹس بینڈکٹ دے انتقال تے ݙکھ تے افسوس کیتے ۔سماجی رابطے دی ویب سائیٹ ٹوئٹرتے جاری ٹویٹ اچ وزیراعظم آکھیے سابق پوپ ایمرٹس بینڈکٹ دے انتقال دی خبرسݨ تے انہاں کوں افسوس تھئے ، وزیراعظم آکھیے پاکستان سودھے پوری دنیا اچ کروڑاں لوک انہاں دے انتقال تے ݙکھی ہن ۔ واضح رہے جو سابق پوپ ایمرٹس بینڈکٹ ہفتے کوں 95 سال دی عمراچ انتقال کرڳئن۔انہاں 8 سالاں تئیں تک کیتھولک چرچ دی قیادت کیتی۔ 1415 اچ پوپ گریگوری دے بعد او پہلے پوپ ہن جنہاں 2013 اچ استعفی ݙتا ہئی ۔سابق پوپ اپݨی زندگی دے چھیکڑی ݙینھ ویٹی کن سٹی دے ماتیرایکلیزیا خانقاہ اچ گزاریے۔ عیسائیاں دے موجودہ مذہبی پیشوا پوپ فرانسس 5 جنوری کوں انہاں دی چھیکڑی رسومات دی قیادت کریسن ۔