کابینہ 20 دوائیں دےنرخاں اچ ڳھٹکی دی منظوری ݙے ݙتی اے، وفاقی وزیربرائے قومی صحت

اسلام آباد۔3جنوری (اے پی پی) وفاقی وزیربرائے قومی صحت عبدالقادر پٹیل آکھیا جو کابینہ 20 دوائیں دےنرخاں اچ ڳھٹکی دی منظوری ݙے ݙتی اے۔مختلف بیماریاں اچ استعمال تھیوݨ آلی دوائین دے نرخ ڳھٹ تھیوݨ نال لوکاں کوں ریلیف ملسی۔ منگل کوں وزارت قومی صحت توں جاری بیان موجب وفاقی وزیر صحت عبدالقادر پٹیل آکھیا جو کابینہ 20 دوائیں دے نرخاں اچ ڳھٹکی دی منظوری ݙتی اے۔ بلڈ پریشر، کینسر اتے اکھیں دی بیماریاں اچ استعمال تھیوݨ آلی دوائیں دے نرخ ڳھٹ کیتے ڳن۔ انہاں آکھیا جو 54 نویں دوائیں دے نرخ فکس کرݨ دی وی منظوری ݙتی ڳی اے۔