جنہاں دے خلاف ریڈ وارنٹ جاری تھیوݨے چاہیدے ہن انہاں حکومت دے خلاف وائٹ پیپر جاری کیتے ، شیری رحمان

اسلام آباد۔4جنوری(اے پی پی) وفاقی وزیر ماحولیاتی تبدیلی سینیٹر شیری رحمان آکھیے ملکی معیشت تباہ کرݨ دے جرم اچ جنہاں دے خلاف ریڈ وارنٹ جاری تھیوݨے چاہیدے ہن انہاں حکومت دے خلاف وائٹ پیپر جاری کیتے ،اے او لوک ہن جنہاں آپݨے چار سال دے بدترین دور اقتدار دا حساب ݙیوݨ کوں تیار کائنی ۔ آپݨے ھک ٹویٹ اچ انہاں آکھیے تحریک انصاف موجودہ حکومت دی 8 مہینے دی کارکردگی تے وائٹ پیپر جاری کیتے ، اے او لوک ہن جیڑھے 4 سال ملک تے مسلط رہݨ دے بعد آکھدن جو اساں کنے کوئی اختیار کائناں ہئی ، حکومت کوئی ٻیا چلیندا پیا ہئی ، ملک کوں مفلوج اتے حکومت کوں مقروض کرݨ آلے کیڑھے منہ نال وائٹ پیپر جاری کریندے پئن؟ شیری رحمان آکھیے جئیں نہج تے پی ٹی آئی ملک کوں پڄایا ہئی اتھوں نکلݨ اچ 8 مہینے نی کئی سال لڳسن ۔ 1 کروڑ نوکریاں اتے 50 لکھ گھر کیں کوں ملیے ، قرضہ نہ گھنساں آکھݨ آلیں ملکی قرضیں اچ 70 فیصد ودھارا کیوں کیتا ، کرپشن دا بیانیہ بݨاوݨ آلے خود کرپشن اچ نااہل کیوں تھئے ؟ انہاں ملکی معیشت کوں توشہ خانہ سمجھ تے لٹیا، انہاں دا وائٹ پیپر’’چور مچاوے شور‘‘ جیہا ہے۔