اسلام آباد۔4جنوری (اے پی پی) متحدہ عرب امارات اچ پاکستان دے سفیر فیصل نیاز ترمذی آکھیا جو پاکستان اتے متحدہ عرب امارات اچ تجارت دا حجم گزریل سال دےمقابلے ودھ تے ݙو گنا تھیوݨ دے توقع اے۔ انہاں آکھیا جو متحدہ عرب امارات اتے پاکستان وچال تاریخی تعلقات ہن۔ پاکستانی متحدہ عرب امارات کوں اپݨا ݙوجھا گھر سمجھدن۔ ݙوہیں ملکاں وچال تعاون دےٻہوں موقع موجود ہن اتے جغرافیائی قربت نال کم کرݨ دا بہترین موقع ݙیندی اے۔ ابوظہبی اچ ایمریٹس نیوز ایجنسی کوں ہک خصوصی انٹرویو اچ انہاں آکھیا جو ݙو پاسہ تجارت گزریل سال دے حجم 10.6 بلین امریکی ڈالرتوں ودھ تے ݙو گنا تھیوݨ دی توقع اے۔ گزریل سال اچ یو اے ای نال پاکستان دی تجارت دا حجم مشرق وسطیٰ اتے شمالی افریقہ دے خطے اچ ساریاں توں ودھ رہیا اتے ایندے باوجود ودھارے دی گنجائش اے۔ انہاں آکھیا جو میݙے ملک دی سیادی قیادت تجارت ودھاوݨ، کاروباری موقع ودھوݨ دا کم ݙیوݨ اے۔ انہاں آکھیا جو متحدہ عرب امارات اتے پاکستان وچال تاریخی تعلقات ہن۔ سفیر آکھیا جو تقریباً 1.6 ملین پاکستانی متحدہ عرب امارات اچ رہندن اتے 21 ۔ 2020 اچ انہاں 6.11 بلین ڈالر دی ترسیلات زر بھیجن۔ انہاں آکھیا جو پاکستان متحدہ عرب امارات نال جامع اقتصادی شراکت داری دے معاہدے (سی ای پی اے) تے ڳالھ شروع کر ݙتی اے اتے امید اے جو سال دے چھیکڑ تئیں ایں بارے اہم پیش رفت تھیسی۔ اساں ایں تے کم کریندے پیوں، اے ٻہوں اہم اے۔ پاکستان دی وزارت تجارت متحدہ عرب امارات اچ متعلقہ حکام نال رابطے اچ اے۔ فیصل نیاز ترمذی آکھیا جو متحدہ عرب امارات خطے اچ پاکستان دا ساریاں توں وݙا تجارتی سانھے دار اے۔ اقتصادی شراکت داری دا جامع معاہدہ سی ای پی اے ݙوہیں ملکاں کوں آپسی تجارت دے کئی گناہ ودھاوݨ دا موقع ݙیسی۔ ہݨ تئیں متحدہ عرب امارات ترائے ملکاں نال معاہدے تے دستخط کیتن۔ سفیر ترائے شعبیاں اچ بشمول آئی ٹی ، فنٹیک تے سٹارٹ اپس تے روشنی پاتی جتھاں پاکستان اتے متحدہ عرب امارات ٻے تعاون کر سڳدن۔ انہاں آکھیا جو گزریل سال اناہں شعیاں اچ اساݙی برآمدات ودھ تے ترائے بلین ڈالر تئیں پڄ ڳن۔ سفیر ترمذی آکھیا جو متحدہ عرب امارات پاکستان اچ چھل توں متاثرہ علاقیاں اچ انسانی بنیاداں تے فراخدالانہ امداد ݙتی اے جئیں تے صدر شیخ محمد بن زاید النہیان دا شکریہ ادا کریندوں۔ متحدہ عرب امارات تباہ کن چھل توں متاثرہ لوکاں تئیں انسانی امداد پجاوݨ کیتے ہک فضائی پل ٻݨائے۔ انہاں امدادی سامان دی ستر توں ودھ پروازاں پاکستان بھیجن۔ انہاں آکھیا جو پاکستان چھل توں متاثرہ علاقیاں اچ بحالی دے اگلے مرحلے اچ ویندا پئے۔ ایں بارے 9 جنوری 2023 کوں جنیوا اچ “کلائمیٹ ریزیلیئنٹ پاکستان” دے موضوع تے ہک بین الاقوامی کانفرنس کریندا پے تانجو تباہ کن چھل دے بعد تعمیرنو دے بین الاقوامی برادری دی مدد کوں کٹھا کیتا ونڄ سڳے۔ کانفرنس دی سانجھی صدارت ملک دے وزیراعظم محمد شہباز شریف اتے اقوام متحدہ دے سیکرٹری جنرل انتونیو گوٹیرس کریسن۔ انہاں آکھیا جو متحدہ عرب امارات موسمیاتی تبدیلیاں نال نبڑݨ دی کوششاں دی قیادت کریندا پے جینویں جو او نومبر اچ 2023 اچ کاپ۔28 دی میزبانی کریسی۔ انہاں ایں ڳالھ تے زور ݙتا جو موسمیاتی تبدیلیاں تے توجہ ݙیوݨٰی چاہیدی اے کیونجو آب و ہوا اتے ماحول اساݙے سیارے ورثہ ہن۔ انہاں آکھیا جو گروپ 77 دے سربراہ دی حیثیت نال پاکستان شرم الشیخ موسمیاتی تبدیلی کانفرنس(کاپ۔27 )اچ ضیاع اتے نقصان دے فنڈ دے قیام دے معاملے تے اہم پیشرفت کیتی۔ انہاں آکھیا جو پاکستان متحدہ عرب امارات نال رَل تے کم کریسی اتے ٻہوں جلدی مذاکرات دا نتیجہ امسی ۔ انہاں آکھیا جو اساں ݙے گندھارا تہذیب، اسلامی ورثہ اتے سکھ ورثہ اے جئیں کوں اساں متحدہ عرب امارات اچ ودھاوݨ چاہندوں۔ سفیر آکھیا جو اساں اماراتی باشندیاں نال ٻے قومیتاں کوں پاکستان دا دورہ کرݨ اتے بھرپور تنوع، ملک دے قدتی حسن اتے ساریاں توں اہم ڳالھ اے جو اپݨی پرتپاک اتے والہانہ اقدار نال لطف اندوز تھیوݨ دی ترغیب ݙیسن۔
