اسلام آباد۔4جنوری (اے پی پی) پاکستان اسرائیلی وزیر برائے قومی سلامتی دے مسجد اقصیٰ دے احاطے دے دورے دے اشتعال انگیز اقدام دی مذمت کیتی اے۔ بدھ کوں دفتر خارجہ دی ترجمان ممتاز زہرہ بلوچ ہک بیان اچ آکھیا جو مسجد الاقصیٰ ہک مقدس ڄاہ اے جئیں دا دنیا دے مسلمان احترام کریندن۔ ایندے تقدس دی خلاف ورزی مسلماناں دی مذہبی حساسیت کوں مجروح کریندی اے اتے مقبوضہ فلسطینی علاقیاں …
پاکستان دی اسرائیلی وزیر دے مسجد اقصیٰ دے دورے دی مذمت
مزید خبراں
اسلام آباد۔4جنوری (اے پی پی) پاکستان اسرائیلی وزیر برائے قومی سلامتی دے مسجد اقصیٰ دے احاطے دے دورے دے اشتعال انگیز اقدام دی مذمت کیتی اے۔ بدھ کوں دفتر خارجہ دی ترجمان ممتاز زہرہ بلوچ ہک بیان اچ آکھیا جو مسجد الاقصیٰ ہک مقدس ڄاہ اے جئیں دا دنیا دے مسلمان احترام کریندن۔ ایندے تقدس دی خلاف ورزی مسلماناں دی مذہبی حساسیت کوں مجروح کریندی اے اتے مقبوضہ فلسطینی علاقیاں اچ پہلے توں کشیدہ صورتحال کوں ہوا ݙیندی اے۔ ترجمان دفتر خارجہ آکھیا جو پاکستان فلسطینی عوام دی جائز جدوجہد دی بھرپور حمایت کریندے۔ پاکستان اقوام متحدہ اتے او آئی سی دی متعلقہ قرارداداں دے مطابق 1967 توں پہلے سرحداں دے نال ہک قابل عمل، خودمختار اتے متصل فلسطینی ریاست جئیں دا القدس الشریف دارالحکومت ہووے، دے اپݨے مطالبے دی تجدید کریندے۔
