اسلام آباد۔5جنوری (اے پی پی):وفاقی وزیرداخلہ رانا ثناءاللہ خان آکھیے جو وزیراعظم شہباز شریف دی خصوصی ہدایت تے شہید عدیل حسین دی فیملی کوں تاحیات ہر طرح دیاں سہولتاں ݙتیاں ویسن ۔ او شہید عدیل حسین دی فیملی نال ملاقات دے موقع تے ڳالھ مہاڑ کریندے پئے ہن ۔ملاقات اچ شہید عدیل حسین دے والدین، بیوہ،ٻال تے انہاں دا بھرا شامل ہئی جݙاں جو آئی جی پولیس اسلام آباد ڈاکٹر …
وفاقی وزیر داخلہ نے شہید عدیل حسین دی بیوہ کوں ھک کروڑ روپے دا چیک پیش کیتا، ٻالاں دے گھر کیتے مزید سوا کروڑ روپے دی گرانٹ دااعلان
مزید خبراں
اسلام آباد۔5جنوری (اے پی پی):وفاقی وزیرداخلہ رانا ثناءاللہ خان آکھیے جو وزیراعظم شہباز شریف دی خصوصی ہدایت تے شہید عدیل حسین دی فیملی کوں تاحیات ہر طرح دیاں سہولتاں ݙتیاں ویسن ۔ او شہید عدیل حسین دی فیملی نال ملاقات دے موقع تے ڳالھ مہاڑ کریندے پئے ہن ۔ملاقات اچ شہید عدیل حسین دے والدین، بیوہ،ٻال تے انہاں دا بھرا شامل ہئی جݙاں جو آئی جی پولیس اسلام آباد ڈاکٹر اکبر ناصر خان وی ملاقات اچ موجود ہن۔وزیر داخلہ نے شہید عدیل حسین دی فیملی نال ملاقات اچ عدیل حسین دی قربانی کوں خراج تحسین پیش کیتا تے لواحقین کوں شہید پیکیج پیش کیتا۔ کانسٹیبل عدیل حسین ھک خودکش دھماکے اچ شہید تھئے ہن جݙاں انہاں ھک ٹیکسی کوں اسلام آباد داخل تھیندے ہوئیں روکیا ہئی ۔ وزیر داخلہ رانا ثناءاللہ نے شہید عدیل حسین دی بیوہ کوں شہید پیکیج داھک کروڑ روپے دا چیک پیش کیتا۔وزیر داخلہ نے شہید عدیل حسین دے ٻالاں دے گھر کیتے مزیدسوا کروڑ روپے دی گرانٹ دااعلان کیتا۔ وزیر داخلہ رانا ثناءاللہ خان آکھیے جو شہید سید عدیل حسین آپݨی جان دا نذرانہ پیش کرتے اسلام آباد کوں ھک وݙے حادثے توں بچایا،شہدا دے احسانات دا بدلہ نی چکایا ونڄ سڳدا ،ساݙے شہدا پوری قوم دا فخر ہن۔ انہاں آکھیے میں عدیل حسین شہید دے نال ایں واقعہ اچ جیڑھے جوان زخمی تھئن انہاں کوں وی خراج تحسین پیش کرینداں ۔ پولیس شہدا دے ورثا دی ݙیکھ بھال حکومت دی ذمہ واری اے ایں سلسلے اچ ہرطرح دے وسائل دی فراہمی یقینی بݨائی ویسی ۔
