تریھ30 ہزار بے روزگار گریجویٹ نینگراں کیتے ’’ باصلاحیت نوجوان انٹرنشپ پروگرام ‘‘شروع کیتا ویندا پئے، احسن اقبال

اسلام آباد۔5جنوری(اے پی پی) وفاقی وزیر منصوبہ بندی، ترقی، اصلاحات و خصوصی اقدامات پروفیسر احسن اقبال آکھیے 30 ہزار بے روزگار گریجویٹ نینگراں کیتے ’’باصلاحیت نوجوان انٹرن شپ پروگرام ‘‘ دا آغاز کیتا ویندا پئے ، پاکستان دے مستقبل دا انحصار نوجواناں دی بامقصد تعلیم اتے ہنر سیکھݨ تے ہے۔ اے ڳالھ انہاں اپݨی زیر صدارت نینگراں کوں انٹرن شپ ݙیوݨ کیتے نجی شعبہ دے نمائندیں دے اجلاس اچ ڳالھ مہاڑ کریندے ہوئیں آکھی اے۔ وفاقی وزیر آکھیے پاکستان دی ݙو تہائی آبادی 30 سال توں گھٹ عمر دے لوکاں تے مشتمل اے ۔ پاکستان دے مستقبل دا انحصار نینگراں دی بامقصد تعلیم اتے ہنر سیکھݨ تے ہے ۔ انہاں آکھیے 30 ہزار بے روزگار گریجویٹ نینگراں کیتے’’باصلاحیت نوجوان انٹرنشپ پروگرام ‘‘ دا آغاز کیتا ویندا پئے ۔ انٹرن شپ دا دورانیہ 6 مہینے ہوسی جیں دا 25 ہزارروپے ماہانہ وظیفہ ݙتا ویسی ۔ وزارت منصوبہ بندی دا اصل کم نینگراں دے مستقبل دی منصوبہ بندی اے ۔ پاکستان دی ترقی دا انحصار نینگراں تے نجی شعبہ دے فعال کردار تے ہے ۔ ایں پروگرام دے تحت 30 ہزارنینگراں کوں انڈسٹری اچ کم کرݨ دا موقع ملسی ۔ احسن اقبال آکھیے اساکوں اختلافات بھلا تے ملک کوں معاشی بحران توں کڈھݨ کیتے رل تے کم کرݨا اے جݙاں گھراچ بھاہ لڳی ہووے تاں پہلا کم بھاہ وسماوݨا ہوندے۔