غیر قانونی بھارتی مقبوضہ جموں تے کشمیر اچ 76 سالیں توں بھارت دی ریاستی دہشت گردی اتے ظلم تھیندا پے، سینیٹر شیری رحمان

اسلام آباد۔5جنوری (اے پی پی) وفاقی وزیر برائے ماحولیاتی تبدیلی سینیٹر شیری رحمان آکھیا جو غیر قانونی بھارتی مقبوضہ جموں تے کشمیر اچ 76 سالیں توں بھارت دی ریاستی دہشت گردی اتے ظلم تھیندا پے۔ ایں تے عالمی چپ اتے بے وسی قابل مذمت اتے افسوسناک اے۔ خمیس کوں اپݨے ٹویٹ اچ انہاں آکھیا جو پوری دنیا اچ کشمیری عالمی برادری دی توجہ ݙواوݨ کیتے ہر سال پنج جنوری کوں یوم حق خودارادیت منیندن۔ اقوام متحدہ دی 5 جنوری 1949 دی قرارداد دے مطابق بھارت تے لازم اے جو کشمیریاں کوں اپݨے مستقبل بارے فیصلہ کرݨ دا حق ݙیوے۔