کورونا وائرس دے 23 کیس رپورٹ تھئن ، این آئی ایچ

اسلام آباد۔6جنوری (اے پی پی) قومی ادارہ صحت ( این آئی ایچ) آکھیے پورے ملک توں چووی گھنٹے اچ کورونا وائرس دے 23کیس رپورٹ تھئن ۔ این آئی ایچ توں جاری تھیوݨ آلے اعدادوشمار موجب پورے ملک توں چووی گھنٹے اچ 3ہزار910 کورونا ٹیسٹ کیتے ڳن جنہاں اچوں 23 لوکاں دے ٹیسٹ مثبت آئے، ایں ویلھے اچ کورونا ٹیسٹاں دی مثبت شرح 0.59 فیصد رہی اے۔ اتے کورونا وائرس توں کوئی وی مریض جاں بحق نی تھیا جݙاں جو 22 لوکاں دی حالت تشویشناک اے ۔پورے ملک دے وکھو وکھ شہراں اچ 24گھنٹے اچ کیتے ڳئے ، ٹیسٹاں اچوں اسلام آباد اچ 242 ٹیسٹ کیتے ڳن جنہاں اچوں 2 لوکاں دے ٹیسٹ مثبت آئے اتے اتھاں مثبت کیسز دی شرح 0.83 فیصد رہی،لاہور اچ 760 ٹیسٹاں اچوں 6 لوکاں دے ٹیسٹ مثبت تے شرح 0.79 فیصد، پشاور اچ 513 اچوں 3 مثبت تے شرح 0.58 فیصد رہی۔