عمران خان ہر ݙینھ آپݨے پراݨے بیان توں یوٹرن گھندن، ہݨ ادارے اتے عوام انہاں دی بلیک میلنگ اچ نہ آسن ،سینیٹر شیری رحمان

اسلام آباد۔6جنوری(اے پی پی):وفاقی وزیرماحولیاتی تبدیلی سینیٹر شیری رحمان آکھیے عمران خان ہر نویں ݙینھ آپݨے بیان توں یوٹرن گھندن ، الزام لاوݨ تے ڳالھیں مندے نال رعایتاں گھنݨ دا دور لنگھ ڳئے ، ہݨ ادارے اتے عوام انہاں دی بلیک میلنگ اچ نہ آسن ۔ جمعہ کوں آپݨے ٹویٹ اچ انہاں آکھیے اے واحد شخص اے جیڑھا آئے ݙینھ اپݨے ہی بیان توں پھر ویندے ۔ ہݨ پنجاب اچ اعتماد دے ووٹ توں توجہ ہٹاوݨ کیتے انہاں الزامات دا نواں سلسلہ شروع کرݙتے ۔ انہاں کوں سوالاں ، اداریں یا مخالفین توں نی ، اپݨے وزیراعلی توں کرݨے چاہیدن ۔ انہاں آکھیے نواں بیانیہ بݨاوݨ تں حقیقت نہ بدل ویسی۔ حملے دا الزام اداریں تے لاوݨ نال انہاں کوں کجھ نہ ملسی ، ایں توں پنجاب حکومت اتے کیسز اچ کوئی رعایت نہ ملسی۔ وفاقی وزیر آکھیے مخالفین کوں ہسپتالاں توں چاتے جیل بھیجݨ آلا خود گرفتاری توں کیو ݙردے ، اپݨی گرفتاری کوں روکݨ کیتے لوکاں کوں سڑکاں تے آوݨ دا کیوں آکھدا پئے ، ݙوجھیں کوں کوڑے کیسز بݨا تے گرفتار کرݨ آلا بندہ تنا کیوں بوکھلا ڳئے، جے کوئی جرم نی کیتا تاں گرفتاری دا ݙر کیوں اے؟