کشمیری عوام  بھارت دے ہر ظلم دے باوجود اپݨی منصفانہ جدوجہد جاری رکھݨ کیتے پرعزم ہین، سیمینار

اسلام آباد۔3 فروری(اے پی پی)انسٹی ٹیوٹ آف سٹریٹجک سٹڈیز اسلام آباد اچ” یوم یکجہتی کشمیر” سانڳے سیمینار تھئے۔ سیمینار دے مہمان خصوصی وزیراعظم دے معاون خصوصی امور کشمیر و گلگت بلتستان نوابزادہ افتخار احمد خان بابر ہن۔ ایڈیشنل سیکرٹری اتے ترجمان وزارت خارجہ ممتاز زہرہ بلوچ وی خطاب کیتے۔ مہمان خصوصی نوابزادہ افتخار احمد خان بابر پاکستانیاں کوں آکھیے جو او کشمیریاں دے حقوق دی بھرپور حمایت جاری رکھین، قائداعظم محمد علی جناح کشمیر کوں پاکستان دی شہ رگ قرار ݙتا ہا اتے کشمیریاں ثابت کیتے جو او پاکستان دی شہ رگ ہین۔ انہاں مسئلہ کشمیر تے پاکستان اچ سیاسی اتحاد کوں اڳونہا کیتے۔ انہاں سیاسی جماعتاں اتے معاشرے دے طبقات اچ کشمیر کاز کیتے پاکستان دی غیر متزلزل حمایت دا اعادہ کیتے۔ ڈائریکٹر جنرل انسٹی ٹیوٹ آف سٹریٹجک سٹڈیز اسلام آباد  سہیل محمود کشمیریاں دے حق خودارادیت دی اہمیت اڳونہی کریندے آکھیے جو کشمیریاں دا عزم اے جو او اپݨی جائز امنگاں ہر قیمت تے پورا کریسن جیندے کیتے پاکستان انہاں دے ہر لحاظ نال نال اے۔ ایں موقع تے ترجمان وزارت خارجہ ممتاز زہرہ بلوچ، ورلڈ فورم فار پیس اینڈ جسٹس دے چیئرمین ڈاکٹر غلام نبی فائی، نیشنل ڈیفنس یونیورسٹی دی طالبہ ملیحہ حامد مغل، کل جماعتی حریت کانفرنس آزاد جموں و کشمیر دے کنوینر محمود احمد ساگر سودھا ڈائریکٹر انڈیا اسٹڈی سنٹر ڈاکٹر ارشد علی وی خطاب کیتے۔