نوجوان کامیاب یوتھ لون پروگرام نال ملکی معاشی ترقی اچ اہم کردار ادا کریسن، وزیراعظم دا یوتھ بزنس و ایگریکلچر لون سکیم دے چیک ونݙݨ دی تقریب نال خطاب

اسلام آباد۔23فروری(اے پی پی)وزیراعظم محمد شہباز شریف امید کیتی اے جو نوجوان کامیاب یوتھ لون پروگرام دے تحت قرضہ ڳھن تے کاروبار ودھیسن اتے ملکی ترقی اچ ہتھ ونݙیسن، اوکھے معاشی صورتحال دے باوجود نوجواناں کوں ودھ سہولتاں ݙیسوں۔ اے ڳالھ انہاں اسلام آباد اچ یوتھ بزنس و ایگریکلچر لون سکیم دے تحت قرضہ ڳھنݨ آلے کامیاب درخواست دہندگان کوں چیک ونݙݨ دی تقریب نال خطاب اچ آکھی۔ انہاں آکھیا جو مسلم لیگ ن دی پچھلی حکومت اتے پروگرام شروع کیتا ہا جیڑھا کامیاب رہے اتے ایندا ملکی معیشت کوں وی فیدہ رہے اتے ایندی شرح ریکوری 99 فیصد ہئی، نوجوان حکومت توں قرض ڳھن تے کاروبار کریندن، منافع کماندن اتے قرض چکا ݙیندن ڄݙاں جو وݙے کاروباری ادارے قرضے معاف کرا قھندن۔ انہاں آکھیا جو سافے نینگراں اچ وݙیان صلاحیتاں ہین جیکر انہاں کوں مواقع ݙیوں تاں اے ملکی معیشت اچ ودھ ہتھ ونݙا سڳدن۔ وزیراعظم آکھیا جو اوکھے معاشی حالات پاروں حکومت کفایت عاری پروگرام شروع کیتے جیندے نال 200 ارب روپے دی بچت تھیسی، اخراجات ڳھتیسوں تے نوجواناں کوں فنڈز ݙیسوں، یوتھ لون سکیم دے تحت ملک دے قابل و مستحق نوجواناں کوں ہک لکھ لیپ ٹاپ میرٹ تے ݙتے ویسن۔ چھیکڑ تے وزیراعظم فری لانسر کارڈ دا اجراء کیتے اتے وزیراعظم یوتھ بزنس و ایگریکلچر لون سکیم دے تحت قرضہ دی چیک وی ونݙین۔