اسلام آباد۔23فروری(اے پی پی)وزیرِ اعظم محمد شہباز شریف سادگی و بچت دے فیصلاں تے فوری عملدرآمد کیتے مانیٹرنگ کمیٹی ٻماوݨ دی ہدایت کریندے آکھیے جو ایں سانڳے کتیے ڳئے فیصلیاں دے چنقے نتیجے نکلسن جیکوں عوام وی سراہے، فیصلاں تے عمل سانڳے کوئی وی تاخیر قابل قبول نہ ہوسی تے ایندا سختی نال نفاذ ہوسی۔ اے ڳالھ انہاں حکومتی سطح تے کفایت شعاری تے سادگی دی پالیسی کیتے اجلاس دی …
وزیرِ اعظم دی اڳواݨی اچ حکومتی سطح تے کفایت شعاری، سادگی پالیسی سانڳے اہم اجلاس
اسلام آباد۔23فروری(اے پی پی)وزیرِ اعظم محمد شہباز شریف سادگی و بچت دے فیصلاں تے فوری عملدرآمد کیتے مانیٹرنگ کمیٹی ٻماوݨ دی ہدایت کریندے آکھیے جو ایں سانڳے کتیے ڳئے فیصلیاں دے چنقے نتیجے نکلسن جیکوں عوام وی سراہے، فیصلاں تے عمل سانڳے کوئی وی تاخیر قابل قبول نہ ہوسی تے ایندا سختی نال نفاذ ہوسی۔ اے ڳالھ انہاں حکومتی سطح تے کفایت شعاری تے سادگی دی پالیسی کیتے اجلاس دی صدارت کریندے آکھی۔ وزیراعظم آکھیا جو پالیسی تے عمل کیتے موثر اقدامات کیتے ویسن، ایں سانڳے مانیٹرنگ کمیٹی اچ ہر اتحادی جماعت دے کابینہ رکن دی نمائندگی ہوسی، فیصلیاں دا نفاذ تیکھے اتے سختی نال کیتا ویسی۔ انہاں آکھیا جو مانیٹرنگ کمیٹی دے ارکان اچ معاون خصوصی محمد جہانزیب خان، وزیراعظم دے پرنسپل سیکرٹری اتے وفاقی سیکرٹری خزانہ شامل ہوسن، کمیٹی اجلاس ہر مہینے ݙو واری تھیسی۔ اجلاس اچ وفاقی وزیر تعلیم رانا تنویر حسین، وفاقی وزیر قومی غذائی تحفظ طارق بشیر چیمہ، وزیراعظم دے مشیر برائے امور کشمیر و گلگت بلتستان قمر زمان کائرہ، وزیر مملکت برائے پاور ڈویژن ہاشم نوتیزئی، وزیراعظم دے معاون خصوصی جہانزیب خان اتے متعلقہ اعلیٰ سرکاری افسران شرکت کیتی۔
