حکومت عوام دی فلاح تےبہبود تے یقین رکھیندی اے، صحت دے شعبے اچ اصلاحات کریندے پیوں، عبدالقادر پٹیل

اسلام آباد۔24فروری (اے پی پی) وفاقی وزیر صحت عبدالقادر پٹیل آکھیا جو حکومت عوام دی فلاح تےبہبود تے یقین رکھیندی اے، صحت دے شعبے اچ اصلاحات کریندے پیوں۔ پولی کلینک ہسپتال دے ریڈیالوجی ڈیپارٹمنٹ اچ 128 سلائس سی ٹی سکین مشین لڳݨ نال مریضاں دے علاج معالجے اچ بہتری آئی اے۔ وزارت صحت توں جاری بیان موجب وفاقی وزیر آکھیا جو پولی کلینک ہسپتال اچ انقلابی اقدامات دا سلسلہ جاری اے۔ پولی کلینک ہسپتال دے ریڈیالوجی ڈیپارٹمنٹ اچ 128 سلائس سی ٹی سکین مشین لڳݨ نال مریضاں دے علاج معالجے اچ بہتری آئی اے۔ انہاں آکھیا جو سٹیٹ آف دی آرٹ تھری ڈی میمو گرافی مشین وی انسٹال کر ݙتی ڳی اے۔ جدید ترین مشین پاروں کینسر دی تشخیص دے نظام اچ بہتری امسی۔ چھاتی دے کینسر دی سکریننگ دی کمی پوری کر ݙتی ڳی اے۔ انہاں آکھیا جو حکومت جاپان دی مدد نال 1.5 ٹیسلا ایم ار آئی سکینر جلدی لیسی۔ پولی کلینک ہسپتال دی توسیع دا کم جی 11/3 اچ شروع تھی ڳے۔