ذوالفقار علی بھٹو دے ورھیݨے تے ہک واری ول عدل و انصاف دا قتل تھئے، وزیراعظم دا قومی اسمبلی اچ خطاب

اسلام آباد۔4اپریل(اے پی پی)وزیراعظم محمد شہباز شریف آکھیے جو ذوالفقار علی بھٹو دے ورھیݨے تے ہک واری ول عدل و انصاف دا قتل تھئے۔ قومی اسمبلی اچ الیندے انہاں آکھیا جو ذولفقار علی بھٹو دے قتل تے صدارتی ریفرنس بارے عمل تھیوݨا چاہیدے اتے فل کورٹ کوں فیصلہ کرݨا چاہیدے، شہید بھٹو ٻارے پورا ڄڳ ڄاݨدے جو اے ہک عدالتی قتل ھا، فیصلہ توں بعد ہک ڄڄ آپ منیا ہا۔ انہاں ذولفقارعلی بھٹو آئین دے بانیاں اچ ہن، ملک دے اے خدمت ہمیشہ یاد رکھی ویسی، اے کینڄھا تاریخ داجبر اے جو اڄ 4 اپریل اے اتے شہید بھٹو دا جوڈیشل مرڈر ایں تاریخ کوں تھیا ہا، اڄ ہی الیکشن بارے ہک واری ول 4 اپریل کوں عدل وانصاف دا قتل تھئے جیڑھا قابل مذمت اے۔