وزیراعظم دا یوم تقدس قرآن 7 جولائی کوں مناوݨ دا فیصلہ، ملک گیر احتجاج کیتا ویسی

اسلام آباد۔4جولائی(اے پی پی)وزیراعظم محمد شہبازشریف 7 جولائی کوں یوم تقدس قرآن پاک مناوݨ دا فیصلہ کیتے اتے ست جولائی کوں ملک گیر احتجاج کیتا ویسی، سویڈن واقعے تے قومی لائحہ عمل ٻݨاوݨ کیتے خمیس کوں پارلیمنٹ دا مشترکہ اجلاس ساݙݨ دا وی فیصلہ  کیتے۔ اے فیصلے وزیراعطم شہباز شریف دی اڳواݨی اچ اسلام آباد اچ تھیوݨ الے اجلاس اچ کیتے ڳن۔ اجلاس اچ سویڈن اچ قرآن کریم دی بے حرمتی دے معاملے تے غور کیتا ڳئے۔ وزیراعظم آکھیے جو 7 جولائی کوں سویڈن اچ قرآن پاک دی بیحرمتی دے خلاف ” یوم تقدس قرآن ” منایا ویسی اتے ایں سانڳے ملک گیر احتجاج کیتا ویسی۔ انہاں سیاریاں سیاسی جماعتاں اتے پوری قوم کوں ایں احتجاج اچ شرکت دی اپیل کریندے آکھیے جو پوری قوم یک زبان تھی تے شیطانی سوچ کوں سنیہا ݙیوے جو کہیں دے مذہب، مقدسات دی بیحرمتی برداشت نئیں کیتی ونڄ سڳدی۔